De İmom Rıza(ə)-i şəhodəti sorəqardışi mınosibəti səbəsəloməti.
Imruj Hicri Ğəməri 1441-nə sori Səfə manqi 29, 2018-nə sori Oktiyabrə manqi 29, bərobəre de dınyo şiəyon 8 minə imom, Həzrəte İmom Rıza(ə)-i şəhodəti sorəqardışi.
Həzrəte İmom Rıza(ə) Hicri Ğəməri 148-nə sori Mədinə şəhrədə bə dınyo omə iyən Hicri Ğəməri 203-nə sori Səfə manqi oxonə ruji bə şəhodət rəse.
Həzrəte İmom Rıza(ə) jimon iyən imoməti əsr, milləti bə Əhle Beyt(ə)-i xandani tərəf cəzb bey xoto vey muhimmə dovran be iyən bo şiyə imomon vırə və təsiron hevujətiro vey aliyə zəmon be.
Həminə həğiğət iyən milləti dılədə İmom Rıza(ə) nıfuzi ziyod bey, bois be ki Əbbasi Xəlifə Məmun de xəbisə plani Həzrəti zəhrin və şəhid bıkə.
İroni mısılmonə millət zinə şəv və ımruj huseyniyəon, məçidon xususi Məşhədədə(İroni şimol şərğ) bıə Əli-İbne-Musə(ə) və Ğom(Tehroni cənub) mığəddəsə şəhrədə bıə Həzrəte xanım Məsumə(s) pokə hərəmonədə bə əzodorəti kardən.
Bə rəsə rəsmi xəbon əsosi, ımsor 3/5 milyon nəfəriku vey zair, şiəyon 8 minə imomi şəhodətə əyyami həmzəman iyən Həzrəte İmom Rıza(ə) pokə hərəmi ziyorət karde xoto bə məşhəd varid bıən.
İroni Tolışi Rədio tərəfo çı şiəyon 8-nə İmom Həzrəte İmom Rıza(ə)-i şəhodətə ruji bə şımə Tolışon səbıəsəloməti ərz kardedəmon.
