Atom sazışədə təəhhudon kam kardeyu İroni 4 minnə ğədəm

İron İslam Respublika,atom sazışədə ironi tərəfo təəhhudon kam karde 4 minnə ğədəmi icra elan kardeədə votışe:ım ğədəm maştə 4 şanbə Fordo atom mərkəzədə təşkil bəbe.

İron İslam Respublika,atom sazışədə ironi tərəfo təəhhodon kam karde 4 minnə ğədəmi icra elan kardeədə votışe:ım ğədəm maştə 4 şanbə Fordo atom mərkəzədə təşkil bəbe.

İron İslam Respublika prezdent Həsən Ruhani ımruj Tehronədə “Noavəri azadi” nomo bıə zavodi okarde mərasimədə votışe: bə atom sazışi əsosi jıqo ğəror noə be ki 1 həzo 44 qılə santrifiyoq Fordo mərkəzədə bıqardo,əmmo heç qılə qaz jə nıbo və əlavəş karde maştə qazi əlavə karde Fordo mərkəzədə təşkil bəbe.

Prezdent Ruhani votışe:atom sazışi həmmə tərəfon bəpe bıznon ki İron İ tərəfə nebəzne bə atom sazışi əməl karde və əlavəş karde atom sazışi həmmə tərəfon 2 manq  muzakirə kardeyu fırsətışon heste ta həmmə san siyaon mincumlə Osınon,bimə(soğortə),nat və bankiyə baxşonədə peqətə bıbon.

Prezdent Ruhani əlavəş karde İroni tojə fəaliyyəton beynəlxalğə atom enerji təşkilati nəzorəti jiyədə bəbe və 4 minnə ğədəm bənə navnə ğədəmon bə domo oqırdıniye şərayetış heste.

İron İslam Respublika prezdenti votışe:İroni millət,mığavimətəkə,iyən muzakirə əhlin və əlavəş karde İroni vıjniyə ro kamilən səhihə roy.

Amerkə 2018 minnə sori mayə manqi 8 nə rujiku 1 tərəfə İron və 5+1 qrupi atom sazışiku ki 2015 minnə sori bə imza rəsə be xaric bedə.

İron,1 sor Amerkə 1 tərəfə sorətədə çı sazışiku xaric be bəpeştə və Avropavıjon bəştə vədəon əməl nıkardeədə ki bə İroni zid Amerkə sank siyaon nəticədə təşkil bəbe atom sazışədə ıştə təəhhodış kam karde.

İroni tərəfo təəhhodon kam karde 3.67 orani qəncin karde bəpe barde,qəncin bə orani ehtiyati ve karde və bə atom sazışi əsosi təhğiğ və tuvsiyə roədə ıştə həmmə təəhhodon navi qəteku iborəte.