Qeneral mayor Bağıri: Amerkə tojə şərrə hərəkəton vədə həm vey ciddi iyən peşmonəkə zumandə reaksiya nışo bədamon.

İroni həmmə silahinə ğıvvon mərkəziyə ğərorqo rəis votışe: İrağədə bə Amerkə Eynul Əsəd hərbi baza İroni rəket həmlə bə Amerkə notaş do ki ım fəğət Sepah təşkilati ğudrət və zumandəti i baxş be ki Amerkə terroristiyə hərəkəti bəpeştə əncom be.

Qeneral mayor Bağıri əlovəş karde: ısət bəpe Amerkə şəxson dərk kon ki İron qıləy hevujə məntəğədə karde bəzne bə təhdidon reaksiya nışo bıdə, çən Amerkə bəpe rə ıştə hərbion məntəğəku xaric bıkə.

İroni sepah təşkilati Sarullah ğərorqo fərmondə caneşin qeneral İsmail Kovsəri həm ım həmlə bəpeştə təkidış karde ki bə İrağədə bıə Amerkə Eynul Əsəd hərbi baza İroni Sepah təşkilati rəket həmlə fəğət i minə hərəkət be.

İroni Sepah təşkilati fərmondə məsləhətçi Həmid Rıza Muğəddəmfər həm İroni rəket həmlə qıləy saxtə intiğam bə hisobış varde və votışe: Amerkə har curnə reaksiya, Asiya ğərb məntəğədə çəvon həmmə mənafe məhv bey iyən otəş qəte bois bəbe.