Zərif:Avropavıjon atom sazışədə bəştə vədəon əməl bıkən.
İroni xarici koon vəzir dəvardə 40 sori mıddətdə İslamiyə Respublika de saxtə sanksiyaon mubarizə bardeku işarəş karde və votışe:Bə Avropavıjon xeyr bəbe ki atom sazışədə bəştə doə vədəon əməl bıkən.
İroni xarici koon vəzir dəvardə 40 sori mıddətdə İslamiyə Respublika de saxtə sanksiyaon mubarizə bardeku işarəş karde və votışe:Bə Avropavıjon xeyr bəbe ki atom sazışədə bəştə doə vədəon əməl bıkən.
İroni xarici koon vəzir Muhəmməd Cəvad Zərif zinə əsrə vaxti Meditəranə MED2020 virtoalə votımonədə elanış karde Tehroniyu muhim ni ki omə rujonədə Amerkə vıjnımonədə çı kəs səbarz bəbe və əlavəş karde Vaşinqtonı rəftor bəpe İroni vədə islah bıbo və Amerkə omə devlət bəpe çı məmləkəti tərəfo bə İroni millət qıniyə bə ziyanon vədə cəvob bıdə.
Zərif votışe:dınyo həmmə məsələon həl kardeyu diplomasi həmməysə təsir bınə roy və əlavəş karde İron atom sazışiku 5 sor dəvarde bəpeştə navədə bə tərəfon bəzi qılan problem icod bıkə hərəkətonədə iyən Avropavıjon bəştə vədəon əməl nıkarde xoto desbə ısət çı sazışi ixtisadiyə faydonku bəhrəş bardə ni.
İroni xarici koon vəzir,İroni silah sanksiya ləğv be vəy qəteyu Amerkə cəhdon barədə votışe:ım mevzo atom sazışədə təvafuğ bə və heç kəs nebəzne əy əvəz karde.
Zərif,Amerkə bə mıxtəlif məmləkəton veyə silah və hərbiyə təchizaton həvateş dınyoədə noəmni və no oroməti ve be dəlilonku qıleniş zınə və əlavəş karde Amerkə ha sor fəğət bə Ərəbıston həvatə silahon maliyə erj,İroni hərbi və mıdafiə budcə 3 bərobəre.
