İron iyən Çini miyono bıə əloğəonku Amerkə niqəronəti.

Çini televeziya Tehron-Pekini miyono bıə əloğəon zidd ğərbi mediaon həmlə tənğidış karde və qələy raportədə ım həmkarionku Amerkə şiddətinə tars və niqəroniku xəbəş do.

Bə İrna raporti əsos, Çini televeziya əmrujnə raportədə Tehron-Pekini miyono əloğəonəş Asiya Ğərbədə bə Amerkə vırə dıjdə zərbə bəhisobış varde.

Çini televeziya təkidış karde, ğərbi mediaon Tehron-pekini miyono bıə həmkarəti barədə tars iyın fobiya icod karde əvəzi bəpe Amerkə anti İron siyasəton iyən Suriyə yaxot İrağədə Vaşinqtoni canq siyasəton barədə bərnamon pəxş kon ki anədə reqional problemonış bois bıə.

Çimi bənav İroni xarıci vəzarətxotə sıxanəvot Seyd Əbbas Musəvi İron-Çini miyono dıroz mıddət həmkari muğavilə barədə votəş be: bə İron və Çini miyono bıə həmkarion meyleşon nıbıə tərəfon və 2 qələ kişvəri dışmenon ım əloğə və həmkari pidəşon ni.