Pars Today

İroni xarici koon vəziri muavini votışe:İron İslam Respublika dəvardə 1 sorədə ironi atom məsələ həl kardeyu təşkil bə təvafuği vədə Amerkə və bəzi məmləkəton bəd əhdion sıstə əməlon koon bə peşt eğandə siyasəton iyən deşmenətion dim bə dim bə.

Huğuği və beynəlxalğə koonədə ironi xarici koon vəziri muavin seyd Əbbas Ərağçi zinə tehronədə ironi atom məsələ həl kardeyu təşkil bə təvafuğnamə 1 minnə sorqardımonədə qıləy xəbəriyə iclosədə votışe:amerkəvıjon iyən avropavıjon dəvardə 1 sorədə ha çəxtə zınəşone ironi atom məsələ həl kardeyu təşkil bə təvafuği vədə maneşon təşkil karde əmmo iron jıqo problemon bino bıkə hərəkətonədə mubarizəş karde və hərəkətış karde maneon arəku bıbə.

Ərağçi votışe:İ bə milləton təşkilati əmniyyət şura ironi atom bərnaməş bənə qıləy ğanoniyə bərnamə bə dınyo nışonış doə və ım atom bərnamə de zumandəti ıştə ro dəvom bədoy və təhğiğ iyən inkişaf həm ım baxşədə əncum be holədəy.

ironi xarici koon vəziri muavini əlavəş karde iron bə orani qəncin karde sənaye səth bərəse və ironi sulhin atom həmkarətion coqlə məmləkətonədə əncum be holədəy.

Ərağçi əlavəş karde bə ironi zid sanqsiyaon enerji nat və qaz iyən neftkimiya nəğliyat və mali iyən banki koonədə həl bə və həmmə natə polon həm bə dast omənine. ironi atom məsələ həl kardeyu mıştərəkə bərnaməon ittifaği ironıjə rəisi votışe: nəğliyyat kəşti rome fəaliyyəton iyən kəştion soğortə karde və bə bəzi porton ro pəydo karde iyən ısətnə problemon bankiyə baxşonədə bə atom məsələ həl karde mıştərəkə bərnamon anqıl nin.