Ğasımi: çı Amerika iddiyaon be əsos ijən tikroriye.

İroni xarıci vəzarətxanə sıxanəvot votışe: İroni balestik rəketon imtovon karde barədə çı Amerika prezidenti milli əmniyət məsləhətçi iddiyaon tikrori, beəsos ijən təhrik əkəy, boçi ki ım imtovonon de i bıə milləton təşkilati Əmniyyət şura ğətnoməon bərobəre.

Bəhram Ğasımi bə Amerika prezidenti milli əmniyət məslehətçi "Maykel Felin" cəvob doe xoto təkidış karde: İroni hiç qılə balestik rəketon bo ətomiyə bombaon barədə ro suxtə bə ni.

Ğasımi əlovəş kardə: jıqonə sıxənon qıləy şərayetdə vote bəbe ki ısət həmmə kəson çok zındən ki İron çı Amerika himoyəon sayədə bıə terroriston məğlub kardedə və ım vey təəsufinə hərəkət heste ki Amerika bə İron ğədrdanəti karde əvəzi jıqo tikrori və be əsosə iddiyaon bəyon kardedə.

İroni xarıci vəzarətxanə sıxənəvot həmçınin votışe: Amerika rəsmion tojə ğərare, islamiyə kişvəronku şəhrvandon səfəri bə Amerika ğədəğən kardeş, ujnən sobitış kardə ki Amerika dıvlət çandə bə beynəl xalğiyə ğanunon ijən orfədə bıə mıvzoon be diğğət heste.

Ğasımi təsdiğış kardə: Amerika dıvlət məntəğə kişvəron dılədə təfrəğə soxte əvəzi ki çəy hədəf tojə silohinə vıjoron icod karde heste çoke ki ıştə dust və şərikə kişvəron cinoyətonku diyəro bıbu boçi ki, Yəmənədə cinoyəton dılədə Amerika və Ərəbiston de yandə bə i co milliyəti ğətliam kardedən.

İroni xarıci vəzarətxanə sıxanəvot votış: İron bə Amerika jıqonə de beynəl xalğ və məntəğə ğəraron həmohənq ne bıə hərəkəton xəbə dorti doydə və təkid kardedə ki harcurnə təhdid iyən ğəyri ğanuniyə hərəkəton ne ın ki de beynəl xalğ ğanunon bərobər ni bəlkəm çəy befoydə bey İroni milliyəti mığovimət və iradəon vədə vey zəmone sabit be.