İron beynəlxalğə məhkəmədə bə Amerkə zid ıştə şikayətış ğeyd karde.

Beynəlxalğə məhkəmədə bə Amerkə zid ironi təğdim kardə ətrofinə layihə Amerkə məmləkətiku ironi milləti mol iyən sərvəti oqırdıneyu coqlə mısbətə ğədəme.

Dəvardə sori əvəsori fəsli oxonə rujonədə bə Amerkə zid ironi bə beynəlxalğə məhkəmə şikayəıti bəpeştə ironi president aparatdə bıə beynəlxalğə huğuğiyə mərkəz muvəfəğ be ımsornə sori fevralə manqi ıştə ətrofinə layihə bə ico həminə layihədə bıə sənədonədə ki 4 cildiku iborəte hozzı və beynəlxalğə məhkəmədə ım şikayəti ğeyd bıkə.

ironi devlət həminə layihədə de rəsmiyə sorəti Amerkə tərəfiku ironi mərkəziyə banki bə 2 milyard dollar nezi mol və sərvəti zəbt karde xoto bə beynəlxalğə məhkəmə şikayətış kardə. ironi devlət bə Amerkə zid ıştə ətrofinə layihədə beynəlxalğə məhkəməku piyəşe ki Amerkəı məhkum və əy vəzifədo bıkə ta beynəlxalğə təəhhodon ləğv kardeku bə kəno bımando və bə iron qıniyə bə xəsorəton həm cubran bıkə.

beynəlxalğə məhkəmə həm bə ğanoni əsosi ironi layihəş bə Amerkə rusnişe və  ım beynəlxalğə məhkəmə hakimon miyonədə həm baxşış karde.

2016 minnə sori iyolə manqi 1 minnə ruji bə beynəlxalğə məhkəmə əmri əsosi ısət Amerkə bəpe ıştə mudafiyə layihə desbə 2017 minnə sori sentiyabri 1 minnə ruji bə beynəlxalğə məhkəmə təğdim bıkə.

ətrofinə layihə bə Amerkə zid ironi şikayət 2 qılə məmləkəti muvafiğətnamə ləğv karde çərçivədəy ki İron və Amerkə ixtisadi iyən konsoliyə əlağon nomo bə təvafuğnamə  onvanədə çəyku yod bedə 1955 minnə sori ğeyd bə.