De Həzrət Məhdi(ə) vilodəti sorəqardışi mınosibəti təbrik.
Imruj cumə hicri ğəməri 1443 nə sori şəbanə manqi 15(2022 marti 18) dınyo şiəyon 12 minnə imom Həzrət Məhdi*ə) mubarəkə miladi sorəqardışe.
Imruj cumə hicri ğəməri 1443 nə sori şəbanə manqi 15(2022 marti 18) dınyo şiəyon 12 minnə imom Həzrət Məhdi*ə) mubarəkə miladi sorəqardışe.
Həzrət Məhdi(ə) hicri ğəməri 255 nə sori şəbanə manqi nimə sıbə vaxti Samerra şəhrədə bə dınyo omə.
Həzrəti əzizə dədə Həzrət imom Həsən Əskqəri(ə) və çəy qiramiyə inə Nərces xaton bə.
Həzrət Məhdi (ə) bə dınyo ome bəpeştə 5 sor ıştə qiramiyə dədə səvonətiədə nimə məxfi jimon kardə be.
İmom Həsən Əsqəri(ə) şəhodəti bəpeştə hicri ğəməri 260 nə sori ğeybəte suğra devran bino be və desbə hicri ğəməri 329 nə sori dəvomış pəydo karde.
Im devranədə Həzrət Məhdi(ə) dıştə 4 qılə naibi roy cəmaəti koon idarə kardə be.
İmom Zəmani ğeybəte kubra devran həm hicri ğəməri 329 nə soro bino be.
Həzrət İmom Məhdi(ə) miladi şəv iyən ruji sorəqardışədə islamiyə İroni millət məzhəbiyə vıronədə iştirak kardeədə de mıxtəlif şoə mərosimon bərpo karde ıştə eşğ və irodəti bə əsri imom nışon dodən.
Şini və şərbət baxş karde molodi iyən məhd hande mərosim İroni mıslmonə milləti muhimmə bərnamonku Həzrət imom Məhdi(ə) miladi şəv iyən ruji sorəqardışədəy.
Məşhəd və Ğom şəhron zinə şanqo və ımruj 2 bərobər şoəti iyən şor və həyəcanədə dəvarde və ım məntəğon vilayətmədarə millət idə məclison bərpo kardeədə iyən şini və şərbət baxş kardeədə ıştə xolisə eşğ və irodəti bə əsri imom(ə) nışon dodən.
İron İslam Respublika de Həzrət Məhdi(ə) vilodəti sorəqardışi dəme mınosibəti bə dınyo həmmə mıslmonon təbrik votedə.
