Sepah Fars dıyoədə Yunanistoni 2 qılə nat kırnə kəşti mısodirəş karde.
May 28, 2022 23:35 Asia/Tehran
İroni Sepah təşkiloti umumi rabitəon de qıləy bəyoniyə sadir kardey vositə bə beğanunə rəftoron xoto Fars dıyoədə Yunanistoni 2 qılə nat kırnə tankeron musadirə kardeyku xəbəş do.
Həminə koy çəy bəpeşt əncom bıə ki İroni xarıci vəzorətxonə rəsmən çı İroni natə tankeron dızdiye koon barədə bə İronədə bıə Yunanistoni səfiri nota doəş be iyən təlbış kardə be ki jığonə koonku bə kəno bımandon.
Yunaniston tojədən beynəlxalğ ovonədə İroni qıləy nat kırnə tankeri mısodirə kardey bəpeşt əy bə Amerkə təhvilış do.
Tehron həmçenin zinə İronədə bıə İsveçi səfiri bənə Amerkə mənafe oqətə tərəfi vanqış karde və jığonə rəftoron barədə bə Amerkə dıvləti ıştə eterozi elanış karde.
İron rəsmən bəştə nat kırnə tankeri ozodəti təkidış kardə be.
