Ərtışi 1401 minnə sori zəmini ğıvvə iğtidori manevri sıxənəvot xəbəş do: manevri umumiyə məntəğədə əməliyoti vırəon təyin bıə
İroni Ərtışi 1401 minnə sori zəmini ğıvvə iğtidori manevri sıxənəvot vey kamə zəmonədə çı əməliyati vırəon təyin kardeyku xəbəş do.
Zinə çoşəmbə İroni mərkəz İsfəhan Nəsrabad umumiyə məntəğədə, 1401 minnə sori Ərtışi zəmini ğıvvə iğtidori manıvr de deşmənon tojə təhdidon muğabiləro ərtışi zəmini ğıvvə baxşon canqi hozzoəti iyən zumandəti miğdori bə inkişof rosniye hədəfi bino bıə.
Bə İrib raporti əsos, 1401 minnə sori Ərtışi zəmini ğıvvə iğtidori manıvri sıxənəvot Qeneral Kərim Çəşək manıvri umumiyə məntəğədə vahidon təyin kardey bəyonış karde iyən votışe: Nəsrabad məntəğədə ım ğıvvə əməliyoti vahidon əlovə bıən və təyin bıə vırəonədə mandən iyən manıvri icra beyro məşğ kardey holədən.
Qeneral Çəşək ijən əlovəş karde: ım manıvrədə və İsfəhani Nəsrabad umumiyə məntəğədə 2 rujə manıvri icra beyro, piyodə, canqi, artileriya, dıron səyyarə mandəco və zəmini ğıvvə elektikə canqi baxşon təyin bıən və əməliyoti hərəkəton əncom dodən.
1401 minnə sori Ərtışi zəmini ğıvvə iğtidori manıvri sıxənəvot ijən bəyonış karde: İroni 8 qılə ostaniku muhəndesi əbzaron, top, canqi həmmə əbzaron və nəğliyot bə manıvri umumiyə məntəğə varid bıən ijən əlovəş karde: 1 manqiku bənav məntəğədə ərtışi zəmini ğıvvə muhəndesi baxşon iştirokışon kardə iyən de caddə soxtey, pard dutey, təbii maneon peqətey, silohinə zəmini taktiki icra kardey, bənə maneon peqətey və kanalon knadey vositə, ım 2 rujə manıvrədə məxsusə əməliyoti icra iyən bərpo bey cəhətədə lozimə zəminəon icod kardışone.
