İroni Yolə Rəhbər: İron və Azərbaycan Respublika milləti nezə əloğəon amil mıştərəkə məzhəbe.

İroni İslamiyə İnğilabi Yolə Rəhbər çı İron İslam Respublika iyən Azərbaycan Respublika millət və dıvləti miyono nezə rabitəon muhimmə illəti mıştərəkə məzhəbi xıvandəti zınəşon bən.

İroni Yolə Rəhbər Həzrət Ayətullah Xameneyi zinə Tehronədə de Azərbaycan Respublika prezident İlham Əliyev mulağat karde cərəyanədə çın kişvəri vindemonışon İroni ətomiyə muzakirəonədə vey çok hisobışon kardə iyən əlovəşon kardə: İroni kənoədə mande iyən siyasi icmaon və iclasonədə çı Azərbaycan Respublik dıvləti mısbətə vindemonon 2 qılə kişvəron miyono nezə rabitəon boyis bəbe.

Həzrət Ayətullah Xameneyi bə İron və Azərbaycan Respublika miyono nezə həmkari və rabitəonku dışmənon əsəbin bey işarəşon kardə və votışone: har deşmıniku vey siyonist xəbisə rejim İron və Azərbaycan Respublika miyono bıvə rabitəon zəyif karde sahədə cəhd kardedə çən bəbe ım dustanə iyən səmimiyə rabitəon ve oqətə bıbu.

Ə Həzrət zumandə kişvəron vədə mudafiyə əkə iyən stabilə vəziyəti icod əkə vey muhimmə amilışon milləti himoyəon cəlb karde iyən bəvon peşto pur mande zınəşone və votışone: Azərbaycan Respublika dıvləti xəyr və çokəti de milləti məzhəbi hisson bə i vırə hərəkət kerdeye.

Həminə mulağatədə Azərbaycan Respublika prezident İlham Əliyev həm ıştə sıxanonədə votışe: 2 qılə kişvəri miyono rabitəon vey aliyə səthədə heste ijən bəzi hərəkəton İron və Azərbaycan Respublika miyono ixtilafon icod karde xoto hıç foydəş ni.

Azərbaycan Respublika prezident ijən Tehron-Boku miyono həmkarionış bə inkişofi tərəf zınəş be və əlovəş kardə: ımsor 20 qılə həmkari sənədon 2 qılə kişvəri miyono bə imzo rəsən ki ticari cəhətiku iyən dəvardə sori muğaysədə 70 fayiz rost beyku nışonə və əloməte.