Bə sionist rejimi ələyh, muğaviməti həmləon bəpeşt, Fələstini meydonədə Tehroni millti şoə mərosim

Tehroni millət Fələstini səforətxonə vədə deştə qırd bemoni vositə, bə işğol bıə sərzəminonədə muğaviməti qrupon ovandətinə əməliyoti xoto şoə mərosim bərpo kardışone.

Bə Fars aqentiyəti raporti əsos, zinə əsrədə Tehronədə Fələstini səforətxonə vədə, işğol bıə sərzəminonədə bə muğaviməti qrupon ovandətinə əməliyoti reaksiyaədə, millət iyən universt tələbəon şoə mərosim bərpo kardışone.

Millət iyən universt tələbəon de israil bımardo iyən Amerkə bımardo, Əllaho Əkbər, Əllaho Əkbər, Ləbbəykə ya Fələstin, Ləbbəykə ya Xamenei şuaron, Fələstini mıcohidonku ıştə himoyə elan kardışone.

Im mərosimədə iştirokəkəyon ijən de fələstini pərçəmi rost kardey, islomi inğilobi Sepah Təşkiloti Ğudsi ğıvvə nakonə komandir, Qeneral Şəhid Ğasım Suleymaniku şikilob ıştən dastədə qətəşon be.

İştirokəkəyon ijən ım qırd bemoniədə Hac Ğasım Suleymani yod iyən xotirə qıromi zıneşone və etırofışon kardə ki ım muvəffəğiyət de terrorizm mubarizə bardey iyən muğaviməti cəhbə zumand kardeyədə, Qeneral Suleymani cəhdon xotoe.

Zinə Şənbə Fələstini muğaviməti ğıvvon "Ələğsa Tufan"-i nomo əməliyotədə bə işğol bıə ərazi əcumlə Telaviv, Aşdod de rəket vositə həmlə kardışone.

Bə işğol bıə sərzəminon, de muğaviməti ğıvvon rəketi həmləon həmzəman Həmasi canqəkəyon bə Ğəzzə tanqə ətrofədə bıə sionist rejimi qədə şəhron nıfuz kardışone və çand qılə sionist rejimi hərbiçi əsir kardışone və çand qılə məntəğə həm bəştə dast qətəşone.

Fələstini muğaviməti co qılə qrupon həm Həmasiku ıştə komilə himoyə elan kardışone və xəbə doşone ki de Həmasi canqəkəyon bə ico canq bəkan.

Həmçınin israili ğıvvonku çand həzo kıştə bıə kəson şikil həm muntəşir bıə və muxtəlifə videoonədə bə Ğəzzə tanqə sionist rejimi hərbiçion cəsədon vırə bə vırə kardey vindey