İslami inğilobi yolə rəhbəri Həzrət Ayətullah Xamenei şəhidə prezdent və dəy həmro bıə heyəti məyyit nımojış vote.
İslami inğilobi yolə rəhbəri Həzrət Ayətullah Xamenei şəhidə prezdent və dəy həmro bıə heyəti məyyit nımojış vote.
İslami inğilobi yolə rəhbəri Həzrət Ayətullah Xamenei şəhidə prezdent və dəy həmro bıə heyəti məyyit nımojış vote.
İron islam Respublika prezdent sed İbrahim Rəisi həml əkə vertəliyot 1 şanbə mayə manqi 19 minnə ruji əsrə vaxti Ğız Ğələsi səddi oj karde mərosimiku bə Təbriz şəhri səmt oqardə vaxti İroni şimal ğərb Şərğiyə Azərbaycan ostani Vərzəğan məntəğədə de həvoiyə hadisə dim bə dim bedə və soğot kardedə və de İroni xarici koon vəzir Huseyn Əmir Əbdullahiyan, təbrizı cumə imom,Şərğiyə Azərbaycan ostani ostandar və coqlə həmroon bə şəhodəti barzə məğam nail omedən.
Bə İRNA xəbon əsosi inğilobi yolə rəhbəri Həzrət Ayətullah Xamenei ımruj sıb tehroni ali məktəbədə şəhidə prezdent və dəy həmro bə heyəti pokə cənazəon vədə məyyit nımojış vote.
Xıdmət karde roədə şəhidon təşi mərosimədə ımruj sıb cəmaəti əzəmətinə huzurədə iyən 3 qılə ğıvvə rəison, keşvəri və ləşkəriyə rəsmi şəxson iştirok kardeədə kərimə ğıroni novraniyə ayəon təlovət kardeədə bino bə.
Məyyit nımoji vote bəpeştə, prezdent sed İbrahim Rəyisi,xarici koon vəzir Huseyn Əmir Əbdullahiyan, vəliyye fəğih nımayəndə və təbrizı cumə imom Ayətullah Muhəmməd Əli Ale Haşem,Şərğiyə Azərbaycan ostani ostandar Malik Rəhməti, prezdenti muhafizə əkə qrupi səvon sed Məhdi Musəvi və 3 qılə piloti cənazəon Tehroni ali məktəbo bə Azadi meydoni səmt, dindarə milləti daston piyo təşşi bin.
Tehroni şəhrvandon de prezdent və dəy həmroon vida mərosim zinə şanqo tehronədə mərhum İmom Xomeyni musəllaədə bərpo be.
Eyne holədə zinə Təbriz və Ğomı şəhrvandon de prezdent sed İbrahim Rəyisi və çı hadisə coqlə şəhidon vida mərosimədə qıləy əzəmətinə huzurışon hest bı və xıdməti roədə de şəhidon vida kardeədə qıləy milyoniyə mərosimışon bərpo karde.
