Şiəyon 7-nə İmom Həzrət İmom Musa Kazim(ə)-i moəku bıə ruji sorqardımon.
-
Şiəyon 7-nə ostovə, Həzrət İmom Musa Kazım(ə)-i milad ruji bəşımə təbrik ərz kardedən.
Imruj Zil-Həcə manqi 20, Sentiyabri 11 iyən de Şiəyon 7-nə İmom, Həzrət İmom Musa Kazım(ə)-i moəku bıə ruji sorqardımone.
İmom Musa Kazım(ə) elm, təvazokorəti, çokion iyən əbaxşəti sahədə vey məşhur be.
Şiəyon 7-nə İmom deştə qıramiyə dədə Həzrət İmom Cəfər Sadığ(ə)-i rəvoyət, hədison iyən əhkamon cəm karde ijən çə həzrəti sirə bəyji karde həmçınin Şiəyon təlim doe və hidoyət karde vasitə, həmonə həğiğiyə İslomi ki de Şiəyon 6-nə İmomi hidoyət iyən mucahidəti vey zumand iyən munəzzəm bıəbe, hifz və çimiku vey səbarzış kardə.
İroni millət çı Şiəyon 7-nə İmom həzrət İmom Musa Kazım(ə)-i milad şəv iyən ruji sorqardışədə məçidon, məzhəbiyə vırəon iyən co imom zodəonədə ə Həzrəzi moəku bıə ruji sorqardımoni mərosimonədə iştirok kardedən.
Dınyo şiəyon 7-nə İmomi vırə iyən məğomi barədə nıtğ karde, şini və şərbət baxş ijən məddohi karde İronədə əcumlə İmom Musa Kazım(ə)-i milad sorqardımoni məxsusə bərnamonku iborəte.
İroni Rəşt şəhri Tolışi Rədio koəkəyon həm çı Şiəyon 7-nə ostovə, Həzrət İmom Musa Kazım(ə)-i milad ruji bəşımə və bə həmmə dınyo mısılmonon (məxsusən şiəyon) təbrik ərz kardedən.
