İroni ğərbədə Heydəre Kərrar və İroni şimal ğərbədə məhərrəm nomo bıə hərbiyə manevron.

İroni hərbiyə ğıvvon həmohənq əkə mərkəz elanış kardə: İroni zəmini və həvoiyə ğıvvon miyono həmahənqion ğudrət və huccum əkə zumandətion Ğəsre Şirin məntəğədə ijən Heydər Kərrar nomo bıə hərbiyə manovrədə imtivon bıə.

Bə İroni hərbiyə ğıvvon məlumat ərosnə mərkəzi raporti əsos ım manevrədə həvoiyə hərbiyə ğıvvon İroni ğərbədə ijən sərhəddonədə vey muhimmə məmuriyəton əncom doşone və çı İroni zəminiyə hərbiyə ğıvvon məxsusə ğıvvonku himoyəşon kardən.

İroni zəmini hərbiyə ğıvvon həm İroni ğərbədə sərhəddiyə məntəğəonədə ıştə huccum əkə ğabeliyəton və həmohənqi ğudrəti vey hevujə əraziədə zinə rujiku imtivon kardeşone.

Im hərbiyə manevrədə İroni hərbi zəminiyə məxsusə ğıvvon, be pilotə təyyarəon qrup, təyyarəon ijən artileriya ğıvvon həm ıştəniku vey çokə nımoyeş və əməliyatiyə ğabeliyəton nışoşon do.

İroni Sepah Təşkilat həm 2 ruj çımiku bə nav İroni şimal ğərbədə məhərrəm nomo bıə əmniyyətiyə manevri binoş kardə.

Im manevrədə həm çı Sepah Təşkilati artileriya, həvofəzo, bepilotə təyyarəon və zəminiyə vıjniye bıə ğıvvon, bo İroni sərhəddonku mıhofizət kardero vey aliyə zumandətion nışoşon do.

Im manevrədə İroni sepah təşkilati fərmondə caneşin Qeneral Mayor Huseyn Səlami təkidış kardə: deşmən və çəvon həmpeymonə ğıvvon çı məntəğə jeopolitikə vəziyəti əvəz karde fik ədən əmmo İron bo İroni əmniyyəti məxsusən sərhəddonədə stabilə şərayeti dəvoniyero kamilən hozzoe.