Salehi:bə Sepah zid mumkin bə sanksiyaon bənə canq elan kardeye.
İroni atom enerji təşkilati rəisi votışe:bə islamiyə inğilabi sepahe pasdaranı zid mumkin bə sanqsiyaon bə ironi milləti zid Amerkə devləti deşmenə rəftoron nışonəy.
Əli Əkbər Salehi zinə şanqo londonədə dınyo mediyaon təhlilçion cəmədə əlavəş karde bə ım muvzo diğğət doeədə ki silahlinə ğıvvon ha məmləkəti əmniyyət və oroməti hifz karde məsuliyyətışon heste İron Amerkə tərəfo bə sepahe pasdaranı zid sanqsiyaon təşkil karde ehtimali bənə canq elan karde zındəy.
Amerkə president ğərore desbə ım haftə oxo ironi atom məsələ həl kardeyu təşkil bə təvafuği vədə ıştə məmləkəti strateji bə ironi zid muncumlə islamiyə inğilabi sepahe pasdaranı zid elan bıkə.
ironi atom enerji təşkilati rəis ironi atom məsələ həl kardeyu ha tərəfinə mıştərəkə bərnamon əncum doeyu təşkil bə təvafuği muvzoş İtaliya və inqiltərədə de avrupavıjə rəsmi şəxson vindımon karde əsosə məsələş elan karde və votışe:ve oşko bə avrupa rəsmi şəxson elan bə ya həmmə ironi atom təvafuğədə bəmanden və ya həmmə çəyku xaric bəben və 3 minnə ro həm ni.
