Sərləşkər Bağıri:terroristiyə qrupon umri oxo rəsə.

İroni həmmə silahlinə ğıvvon təşkilati rəis suriyədə de terroristiyə qrupon mubarizə bardeədə bə muğavimət cəhbə yolə muvəfəğiyyəton işarəş karde və votışe:terroristiyə qrupon bəştə umri oxo rəsən.

Sərdar sərləşkər Muhəmməd Bağıri bə Suriyə ıştə səfəri dəvomədə Hələb və çı məmləkəti coqlə əməliyatiyə məntəğonədə muğavimətı cəhbə iyən pokə hərəmon mudafiyəçion cəmədə votışe: deşmenon və terroristiyə qrupon vədə mutəmadiyə muvəfəğiyyəton və səbarzətion sir muğavimətı cəhbə iyən pokə hərəmon mudafiəyu mubarizəəkon vəhdət və həmkarəti bə.

ironi həmmə silahlinə ğıvvon təşkilati rəisi əlavəş karde imon və bovə bə ilahiyə  nusrət ya ilahiyə koməkon və bovə bə muğavimətı cəhbə mubarizəəkon 8 sor mığəddəsə mudafiyə devranədə İron İslam Respublika rəzməndəon təcrubəku qətə bə.

Sərləşkər Bağıri ommidvarətiş karde muğavemətı cəhbə inkişaf və səbarzətion pokə hərəmon mudafiəçion nıtarsəti və ğəhrəmanətiədə dəvom pəydo bıkə.

ironi həmmə silahlinə ğıvvon təşkilati rəis 3 şanbə ruji qıləy hərbiyə heyəti sədrədə bə Suriyə paytəxt Dəməşğ daxil bə.