İroni həmmə ğıvvon yolə fərmondə:ironi mudafiyə ğıvvə heç qılə şərayetdə muzakirə bənin ni.
İroni həmmə ğıvvon yolə fərmondə votışe:ironi imkanon və mudafiyə ğıvvə muzakirə kardənin ni və mudafiyə vəsilon və har çi barədə ki ironi milliyə iğtidari təmin kardedə de deşmenon heç qıləy çunə je iyən muzakirəmon ni.
İroni həmmə ğıvvon yolə fərmondə Həzrət Ayətulla Əl-Uzma Xamenei zinə silahlinə ğıvvon İmom Əli(ə) nomo bə zabiton ali məktəbədə təhsilati bə oxo rəseyu tələbəon mıştərəkə mərasimədə votışe:islamiyə nizomi deşmenon ironi milliyə iğtidari imkanon və vəsilonku norohətin və dəvon mubarizə bardən və həminə məsələ xoto milləton miyonədə iyən məntəğə və məntəğəku bə kəno islamiyə respublika iğtidari ve beədə muxalifin çunki ım iğtidar iyən zumandəti islamiyə nizomi ıtrateji nığıl be nışon dodə.
islami inğilabi yolə rəhbəri de məmləkəti mudafiyə ğıvvə istikbariyə ğıvvon muxalifətış həm həminə çərçivədə zınəşe və votışe:de ım muxalifəton mubarizə barde ro ıme ki çəvon tələbonku bə kəno bə milliyə iğtidari peşt pur bıbəmon.
Həzrət Ayətullah Əl-Uzma Xamenei silahlinə ğıvvon muhimmə vəzifəş məmləkəti əmniyyəti təmin kardeş zınə və votışe: mıxtəlif baxşonədə mincumlə elmi sənaye və ixtisadiyə inkişafon bə əmniyyəti vucudi anqıle.