İnğilabi yolə rəhbər:bəpe Tehron və Boku rabiton nıpiyəkəson vədə bımandi

İslami inğilabi yolə rəhbəri votışe:İron və Azərbaycan Respublika nez və bıvə əlağon muxalifonış heste ki bəpe çəvon vəsvəsəon və təxribatinə hərəkəton vədə bımando.

İslami inğilabi yolə rəhbə həzrət ayətullah Əl-Uzma Xamenei zinə şanqo de Azərbaycan Respublika president İlham Əliyevi təşkil doə vindımonədə bə 2 qılə məmləkəti nığılə əlağon iyən həmkarətion inkişaf pəydokarde zərurətiku işarə kardeədə votışe: İron və Azərbaycan Respublika bəpe de zumandə iradə əlağon və həmkarətion mıxtəlif baxşonədə inkişaf bıdən.

Həzrət Ayətullah Əl-Uzma Xamenei bə ım muhimmə həğiğət ki Azərbaycan Respublika cəmiyyəti əksəriyyət bənə İron və İrağ əhle beyt(ə) roədə şə kəsonku hestin işarə və ıştə sıxanon dəvomədə əlavəş karde bəpe ım ğeymətinə fırsəti ğədri iyən Azərbaycan Respublikaədə şiəyon əzadarəti əzəmətinə mərasimi ğədri zıniye çunki Azərbaycan Respublika millət və məmləkəti şəxsiyyəti zumand kardə.

İslami İnğilabi yolə rəhbər Azərbaycan Respublikaədə  marksizmı tərvic kardeyu səvet hukuməti zəmanədə fəaliyyəton bə nəticə nırəse və dini yoddə benışe dəlilış milləti  zumandə imoniku iborətış zınə və votışe:ımsornə məhərrəmə manqi əzəmətinə mərasim Azərbaycan Respublika milləti zumandə imoniku qıləy nımonə be.

İlham Əliyev həm ım vindımonədə ironədə vindımon dəvoniyeş bənə ıştə kədə huzurış zınə və dəvardə soronədə bə 2 qılə məmləkəti həmkarətion çokə inkişafi işarə kardeədə votışe: Azərbaycan Respublika de İron ıştə əlağədə kamilən zumande və bə heç kəs icazə nibədoy ta bə arə dəşo və 2 qılə məmləkəti əlağonədə problem icod bıkə.

Azərbaycan Respublika president bə Tehron və Boku həmkarətion bəzi baxşon mincumlə mədəni ixtisadi sərmayənoe enerji və nəğliyati baxşonədə iyən Azərbaycan Respublikaədə məçit soxteyu bəştə devləti fəaliyyəton işarəş karde və ıştə sıxanon dəvomədə əlavəş karde Azərbaycan Respublika de İron ixtisadi və mədəniyə həmkarətion və əlağon rost karde niyyətdəy və ciddiyə fikış heste ki ım əlağon dəvomin bıbon.