Ğudsi barədə çı İroni 7 qılə təklif.
İron İslam Respublika prezident de 7 qılə təklifi edaşte Ğudsi barde votışe: Amerkə fəğət siyonist rejimi komilə mənafe təmin karde fikədəy ijən bo Fələstinıjon ğanuniyə tələbonro hiç ehtıromi zındə ni.
İroni prezident Həsən Ruhani İstanbulədə bıə islamiyə həmkari təşkilati aliyə rəsmi şəxson iztiroriyə iclosədə Ğudsi bənə siyonist rejimi paytəxt elan karde ğəroli məhkum karde zəroriyati i minə təklifədə ğeydış kardə və votışe: 2 nə təklif ıme ki İslam dınyo kişvəron çı siyonist rejimi planon vədə i bıbun boçi ki islam dınyoədə bohranon de votımoni vasitə həl bəbe.
Ruhani 3 nə təklifdə həm votışe: Amerkə dıvlət bəbe ım həğiğəti bovə bekə ki islam dınyo çı Fələstin və ğudsi sərneveşti barədə be diğğət ni iyən beynəl xalğiyə ğərol və Fələstini barədə çı dınyo iştimaiyəti nəzəron məsxərə kardero siyasi cəhəto vey xərocon bəbe bedə.
İroni prezident ıştə çominə təklifədə çı islamiyə kişvəronku tələbış kardə ki vahidə vindemonədə bə Amerkə şirkəton əcumlə Avropavıjə kişvəron elan bekon ki Ğudsi bən siyonist rejimi paytəxt elan karde vey qonə təsiron bois bəbe.
Əv Fələstin məsələ bən islam dınyo i minə mıvzo təsdiğ karde ıştə 5 minə təklif zınəş be və votışe: Suriyə və İraədə DAEŞi məhv bey bəpeştə ijən de co terroristiyə qrupon mubarizə barde əhəmmiyət bəbe siyonist rejimi ətomiyə bombaonku ijən ğafil məbon.
Ruhanii i bıə milləton təşkilatdə çı islamiyə kişvəronku heyəton iştirok karde ijən daimən çı siyonist rejimi plan və hərəkəton manitorinq karde bənə ıştə 6 və 7 nə təklifon ğeydış kardə və votışe: Əmniyyət Şura məxsusən çəy umumiyə icma bəbe ıştə əsliyə roli de Amerkə ım ğəroli mığovilə karde xoto əncom bedə.
Ruhani bo Ğudsi mudafiə kardero bə İron komilə hozzoətəti işorəş kardə və təkidış kardə ki: çı yəhodion və yolə deşmən mısılmonon və ərəbon nine bəlkəm siyonist rejimi xətərnok plane.
Bə sıpiyə bino elani əsos Amerika prezident Donald Tramp ıştə ğəroli siyonist pesoxtə bıə rejimi paytəxti telavivi əvəzi Gudsədə ğeyd karde barədə elanış kardə əmo çəy icra karde bo 6 manqi bə təxir eğandə.
Im ki ısət Amerkə bənə i minnə kişvər ım məkrinə plani icra karde fikədəy çandə çın kişvəri rəsmi şəxsonədə siyonist rejimi lobbion nıfozi əlomətdore.
