İstambulədə islamiyə həmkari təşkilati fovğoladə iclos sə bıə.
-
Yunesko ım ğətnomədə təsdiğ bıə ki siyonist rejim qıləy işğaləkə rejime.
De Ələğsa məçiti mehvəriyəti islamiyə həmkari təşkilati fovğoladə iclos İstambulədə bə oxo rəse.
Bə İrib raporti əsos ım iclosədə 44 qılə islamiyə kişvəronku nımoyəndəon çı Beytol Mığəddəsi oxonə hadisəon barədə muzakirəşone be.
Im iclosi oxonə bəyoniyədə ki İron həm vey fəalə huzur və rolış be Fələstinədə siyonist rejimi cinoyəton məhkum ijən bə islamiyə kişvəron vəhdət çı şərifə Ğudsi ozod karde xoto təkid be.
Siyonist rejimi hərbion İyoni 14ku məçit Ələğsaədə bo nımoj əvoton ijən Fələstinıjon ro tojə məhdudiyəton icodışon kardə və ım mıddətədə vey kəson şəhid və zəxmin kardəşone.
Qıləy holədə ki siyonist rejim ijən bə Ələğsa məçit yəhodi bey təkidıdə əmmo Yunesko təşkilat de tojə ğətnomə ım məçiti əslış çı mısılmonon mığəddəsə vırə hisobış kardə.
Yunesko ım ğətnomədə təsdiğ bıə ki siyonist rejim qıləy işğaləkə rejime.
