Məhərrəm,Huseyni manq-8
Məhərrəm,Huseyni manq-8
Yolə Xıdo Kərimə-Ğıronədə ıştə muminə bandəonış bə bəfodorəti iyən bəştə təəhhudon rioyət kardeyış vanq jıə iyən ıştə əhdi darıştey və bebəfoətiş nəhy kardə.joqo ki,R`ədi mıborəkə surə 20-ə şərifə ayədə həxtələbə ağılmandon nışonəon bəyon kardə holədə həmməysə vey,bə əhd iyən pəymoni bəfo kardey bə quşon rosneydə və hamyedə:”Əlləzinə yufunə.....əvon əkəsonin ki,bə İlahi əhdi bəfo kardedə iyən ıştə pəymoni darışteydənin”.həmçinin Həkimə-Xıdo Mayidə mıborəkə surə iminə şərifə ayədə bə har qıləy əhd-pəymoni bəfodorəti çe muminoku tələb kardedə və hamyedə:”Yaəyyuhəlləzinə amənu....Ha imon vardə kəson ha!bə əhd-pəymonon bəfodorətikənən”.
Torıx çe barzə şəxsiyyətonku yod kardedə ki,bə əhd-pəymonon əməl kardeyışon tosə ıştə oxonə nəfəsi mehtərəm hisob kardəşone.beşəkk,İmom Huseyni(ə)əshob çe Pokə İmomon(ə) əshobonku həmməysə barzə qıləyniyon bə hisob omeydən.həmonə şəxson İlahi çın imtovoniku səbarz beşin iyən ıştə vəzifəonışon çok-çoki bə vırə rosneşone.Kərbəlo daston iyən ğəhrəmonəti ofəyə şəxson barzə xıslətonku qıləyni,çəvon bə həzrət İmom Huseyni(ə) iyən bə ə həzrəti imtovonon bıə bəfodorətiye.əvon hətto vey yavə şərayitədə hozzı nıbin ki,de İmom Huseyni(ə) bastə ıştə əhdon darışton.İmom Huseyni(ə)əshob iyən yaro-yavəron miyono Həzrət Əbbosi(ə) qıləy vey barzə məğamış heste.çə həzrəti nom dayima de rəşodət iyən bəfodorəti sıfəti bəicoe.....
