Məhərrəm,Huseyni manq--9
Məhərrəm,Huseyni manq--9
Həzrət Əbbosi(ə) şucoəti sədo jıqo bə həmonə rujiqori ərəbon quşon rəsəbe və dışmenon bə ın fik dəşin ki,de qıləy cəsuronə hərəkəti ə həzrəti çe İmom Huseyni(ə) ləşkəriku co bıkon.Həzrət Əbbos(ə) çe Ummumul-Bənini həmməysə yolə fərzənd qıləy nəcib, mıboriz,alim şucoətin iyən səxovəti əhl bıə inson be və bə ə həzrəti reçinə cəmol iyən çehrə və bəçəy barzə bolo xoto,bəy “Ğəməre Bəni-Haşim” nomışon noəbe.Ğəməre Bəni-Haşimi rəşodət iyən hərbi cəhəto bıə zu və ğudrət,çe həmmə kəson dılonədə Həzrət Əli(ə) xotırə bəyji kardedəbe.Əv,şucoət iyən hərbi kəşfiyyati nəzəku bəştə pı Əmirəl-Muminini(ə) şıə be.beşəkk,ə həzrəti çəy bıvə İmom Huseyniku(ə) bə diyəro haştey,siyosi cəhəto bo yəzidi ləşkəri qıləy dıjdə ğələbə bə hisob omeydəbe.əmmo qıləy hodisə bə əməl ome ki, çe Əbbos ibn Əli(ə) vırə və məğamış bo torıxi həmmə kəson mıəyyənış karde.
Həzrət Əbbos(ə) çe İmom Huseyni(ə) ləşkəri ələmdor be iyən bo ov vardero bə Furoti ru səmt şe.bayinki,ə həzrət vey təşnə be və ətəşi otəşi cəy qırd vucudış dəqətəbe,əmmo əv, həmonə oviku nıpeşomeşe ta sıftədə ovi bə hırdənon bırosno və əvon çə oviku peşomon.bəhisob şiəyon Tasua ruji de Yolə Sərdor bıə Həzrət Əbbosi(ə) şucoəti iyən çə həzrəti ıştə coniku dəvardey xotırə bəyod dənoydən,ə həzrəti yodi bəyji kardedən və ıştə əzodorəti məclison deçəy nomi ziynətin kardedən,dərostedən ki,de i həzo ço sa sor zəmoni dəvardey,hənuz və ijən həm torıx deçəy kəroməton ruşine iyən çə həzrəti nom de bəfo,ədəb iyən alicənobəti bə icoe....
