Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəlağə şərifə kitobi 127-ə hikmətədə bə ın muhimmə məsələ işorə kardeə və bə ıştə vəzifəonədə səhlənkoəti kardə kəson işorə kardə holədə hamyedə:”mən ğəssərə...ikəs ki,əmələdə kutoəti iyən səhlənkoəti bıko,bə huzni dıço bəbe”.
Qıləy zəmon ki,inson ıştə səhlənkoəti sərəso və bıvindo ki,dıjdə fırsəton bəştə ğəflət iyən kutoəti xoto çe dastoş doə,qıləy dıjdə həsrət bəçəy dıli bənışte.həni zəmon çe dasto şıə və ğəm iyən huzni çəy vırəş qətə.
Qahi zəmon ın ğəm iyən huzn bə ın dınyo intiğol iyən ovaştey astanədə bə insoni mustəvli beydə iyən seytərə pəydo kardedə.bə zəmon ki,çe insoni həyğəti vində çəş oj beydə və ıştə fəryodi barz kardedə. dırıst bənə həmonə çi ki,Muminin mıborəkə surə 99-100-ə şərifə ayəonədə omə,jıqo hamyedə:”Xıdolim ha! Mıni oqordın,ğasbu ıştə tərk kardə çi (kutoəti)mığobilədə qıləy salehə əməl əncom bıdom”.
Və həlbəttə ğasbu mumkine ın ğəm axırəti dınyoədə bə əməl booy,çoko ki,Ğıron Zuməri mıborəkə surə 56-ə şərifə ayədə çe ğafilə insoni zıvoniku nəğl kardedə ki,hamyedə:”ya həsrətəna....ey əfsus bəmı çe kutoyətiyonku ki,Xıdo fərmoni itoətədə kardəme”.
In əfsus çe kam kardey məhsule.kam noey:Xıdo çəmə ixtiyorədə ğərol doə çiyon və ə çiyon ki,çəmə bəştə xudxahəti xoto pəxıləti kardedəmon iyən dılımon heste əvoni həmmə boştəro peqətəmon,oqətətmon. liza İmom Əli(ə) çın hikməti dəvomədə jıqo hamyedə:”vəla hacətə.....çəmə həmmə con iyən mol bə Xıdo məxsuse iyən ağılmandə inson qıləy insone ki,ın İlahi əmonəti çe Xıdo roziyəti iyən xoşholəti royədə sər bıko.Bəğərə mıborəkə surə 207-ə şərifə ayədə bə kəson işorə kardedə ki,ıştə coniku bo Xıdo roziyəti xoto dəvardedə iyən hamyedə:”və minənnasi mərdumiku i hissə ıştə coni bo Xıdo roziyəti xoto həvateydən”. Beşək,Xıdovənd həm bo jıqo kəson ki,ıştə cononku dəvardedən,məxsusə formədə cubron kardedə və çəy əvəzi beşeydə.əmmo ə kəson ki,ıştə con iyən molonku vey kamə bəhrə iyən nəsib bo Xıdo xoto dəvardedəni,ıştən zərəl kardedə və çəy zərəl həm bınədəy ki,əvon çe Xıdo rəhmətiku bə diyəro mandedən.əv,bə Xıdo çe yodiku bardey iyən ğəfləti ğərğ beydə.Xıdo həm əvoni vo bədoe iyən bəvon nisbətədə qıləy dığğət nibəkarde. Çoko ki,Tobə mıborəkə surə 67-ə şərifə ayədə jıqo hamyedə: nəsullahə......əvon Xıdoşon viro bekarde və Xıdovəndi həm əvonış çe yodo bekarde.....
