Dılon mahbub
Dılon mahbub
Dılon mahbub
Holo-hozoynə əsrədə bıə mediya bo təfrığə icod kardey iyən eğandero çe dəşmeni əsliyə avjoronkuye. məzhəbi təəssıbon iyən çe mısılmınon miyono fıtnəon icod kardə kitobon pevolo kardey formə,qıləy yeqanə sodə koye ki,iqlə məzhəbi təəssıbinə fərd jıqo hərəkəton əncom doydə.jıqo kitobon intişor iyən pevolo kardey,bənə amerkə iyən inqilistoni bıə mustəmləkə tələbə kişfəron iyən hırdənəkıştə sehyonist rejim mevcude daston ki,bo mısılmınon miyono ixtilof eğandero ziyodə xarcon kardedən iyən bın sahədə fəoliyyət nışon doydən.duyə məzmuninə şeron nıvııştey iyən ixtilofonku ofəyesə əlovə,ixtilof və təfrığə eğandeyədə televizyə şəbəkəon iyən interneti veyə ranqinə rolış heste.ziyodə şəbəkə iyən kanalon icod kardey bıən ki,məələsəf bəvonədə ,radikalə sınniyon iyən ifroti şiəyon əyoni surətədə bə iyande əğedəon tohin və ihonət kardedən.ın təfrığə eğandə medyəon çımonku iborətin:televiziyə kanalon,rujnoməon, jurnalon,interneti sayton iyən sosyal şəbəkəonin.ımon ya bə radikalə cərəyonon ayidin və ya de inevi bə ın cərəyonon qıləy nisbətışon heste.aya məzhəbi hisson rost kardey iyən dışemnəti iyən kin-kudurəti otəşi şuləvər kardey,çe Kərimə-Ğıroni təlimonkuye?.aya ın rəftoron bə İslomi umməti məsləhəti əsos iyən çe Xıdo-Rəsuli(s) pəsənd və ğəbul kardə koonkuye?.bəqəm İslomi hukuməti təşkili bəpeşt çe Xıdo-Rəsuli(s) kardə sıftənə koonku çe mısılmınon miyono bıvəti əhd-peymoni bastey nıbe? Xıdo-Rəsul(s) iruj bə hurməton iyən insoni kəroməton oqətey təkid kardedəbe.Əbdullah ibn uməriku nəğl bıə ki,votedə: pəyğombərım(s) vinde ki,çe Kəbə qırdo qardedəbe və deştə jıqo votedəbe:”ha Kəbə ha! çanədə tı iyən ıştı ətr pok və pokizəy? çanədə tı dıjdiş iyən ıştı hurmət dıjde?əmmo ğəssəm bıbu bə əkəsi ki,çe Muhəmmədi con çəy dastədəy,çe muminə şəxsi hurmət Xıdovəndi nəzdədəıştı hurmətisə veye”.
Bə nəzə rəseydə ki,de dışmenon hevujə şikilədə bıə hucumon mıborizə bardey,qılə əməli,lozım iyən zəruriyə hərəkəte.bın cəhətədə aqahəti baxşey bənə qıləy muhimmə hərəkəti unvoni,bəpe çe təsirənə fərdon tərəfiku əncom doey bıbu.əzın iyən dıləsutə alimon,unversteti alimon,xətibon,leksiyə əhandon, tələbəon iyən hovzə alimon ki,həyğiyə vəhdəti ıştə dılonədə personiyedən,bo ixtilof iyən şubhəon bərtərəf kardey və bo zehnonədə aqəhəti baxş kardero ziyodə rolışon heste.həmçinin de məzhəbi nezəti mevzu televizyə iyən inetrneti şəbəkə və kanalon oj kardey,bo İslomi umməti miyono bıə ziyodə ixtilofon çe vəhdəti cəhətədə çe miyoniku bardey bəbe.ironi kişfərədə hasor de məzhəbi nez kardey hədəfiicloson bərpo kardey,çe İslomi İnğılobi iyən İmom Xomeyni(r)barzə hədəfonkuye ki,bo vəhdəti icod karderoye və ın proses ısət həm dəvonış heste.jıqo səmimonə icloson İslomi kişfəronədə bərpo kardey,qıləy loyığə koonkuye ta çe mısılmınon miyono qıləy vəhdət icod bıbu və çəvon vəhdəti ziyodko.
