Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəlağə şərifə kitobi 128-ə hikmətədə həminə mevzu həxədə jıqo hamyedə:”təvəğğul-bərdə...sardi sıftədə ıştəni çəyku nığo bıdənən və çəy oxoyədə həm bəy dim bıqətənən.zira sard de bədəni həmonə koy kardedə ki,de doon kardəşe.sıftədə doon sutuneydə iyən oxoyədə həm çəy livon rukardedə bəsə zəminisə”.
İronıjə yolə alim iyən təbib bıə Bu Əli Sina ıştə “Ğanun” kitobədə bə həmonə nuktə işorə kardedə və votedə:”bədənon çe əvəsori sardiku həmonə hissışon ni ki,pozi sardiku əy hiss kardedən.zira bəhori sardi zəmonədə bədəni bə zımıstoni sardiş adət kardə və bəçəy xoto çəyku qıləy ozzo vindedəni.əmmo pozə fəsli sardi vaxti bədən ki,bə qamiş adət kardə,əve çəyku veyə ozzo vindedə”.
Dini vəzifə iminə dərəcədə mərdumi bə rostə roy səmt hidoyət kardeye və çe ənbiya iyən pəyğombəron risolət və missiyə,bənə qıləy ruhoni təbibi unvoni çandə nev fiki iyən əxloği noxəşətiyon damon kardeye. əmmo çun ki,cismoni səlomətəti həm de ruhoni səlomətəti qıləy nezə rabitəş heste və ənbiya iyən pəyğombəron həm bımi qıləy dığğətışon kardə.de qıləy co bəyoni bə cismi səlomətəti ayid bıə məsələon, de rufi səlomətəti qıləy nezə rabitəş heste.bəhisob islomədə bə cismi səlomətəti həm qıləy dığğət kardey bıə.çoko ki,Əmirəl-Muminin Həzrət İmom Əli(ə) bın həkimonə kəlomədə xəzon iyən bəhori fəslədə çe bədəni səlomətəti royış bəyon kardə.
Pəyğombəre-Əkrəmi(s) həm bə ın həyğəti işorəş kardə və jıqoş hamyə:”Çe əvəsori sardi ğənimət hisobkənən ki,deşmə bədənon həmonə koy bəkarde ki,de doon kardedə və çe pozi fəsli sardiku pərhizkənən və bə diyəro bımandənən ki,deşmə bədənon həmonə koy bəkarde ki,de doon kardəşe”.....
