Nənə çəşon ijən zoə dimi bəvinde, 29 sor intizori bəpeştə şəhid Seyd Vəliullah Cəfəri pokə cənozə peydo be.

Tojə peydo bıə şəhidi pokə cənozə de Xanım Həzrəte Fatimə Zəhra(s) şəhodəti həmzəman Həviğədə təşi bəbe, ım şanqo Talış şəhri Came məçidədə vido mərasim barpo bıdə.

Bə Məriyan sayti raporti əsos, İroni Talış şəhri Sepah təşkilati fərmondə votşe: ım şəhidi pokə cənozə 29 sor bə İroni zidd çı Səddam diktatoriyə rejimi məcburiyə canqi bəpeştə İraği zəminədə peydo be.

Pərviz Bidar əlovəş kardə: Şəhid Cəfəri pokə cənozə maştə de Xanım Həzrəte Fatimə Zəhra(s) şəhodəti həmzəman Talış şəhrədə Tolışə xalği daston sə təşi bey bəpeştə Həviğədə dəkandə bəbe.

Şəhid Seyd Vəliullah Cəfəri Hecri Şəmsi 1367-nə sori Tir manqədə İrağədə Zubeydat nomo bıə hərbi əməliyotədə şəhid be əmmo çəy pokə cənozəşon 29 sori bəpeştə peydo kardışone.

Seyd Vəliullah Cəfəri Talış şəhri Həviğ məntəğə Kuhıstan(Bandon) nomo bıə diyədə moəku bıə.