Ostoro İmom cımə: Aşurə məktəb de Huseyni Ərbəini bə dınyo elon be

Ostoro İmom cımə votışe:Huseyniyə Ərbəyini mınosibəti xoto mıslmonon şemon bə dınyo Aşurə məktəbi oşnobe bois be və İslomi dışmenonış torsoniyə

Bə İrna jurnalisti raporti əsos Huccətull İslam Kazım Hafezniyə dışanbə şəv İmom Huseyn(ə)-i şəhodət Ərbəyini şəvi mərosimədə Ostoro Əbasiyə nomo bıə məçitdə əlovəş ka: mıslmonon qıləy erjinə qənc İmom Huseyn(ə) və Aşurə hadisə nomo hestışone və Ərbəini ruji şemon çəy ictimay və mənəvi erjon oşko kardə.

Əv dəvamış do Ərbəini rujədə xəyli cəmiyət de mıxtəlif məzhəb, ranq və erğ mıxtəlifə kişvəronku bə Kərbəlo bəşen və de iyandı kənoədə mutəali və mıştərkə hədəfon bənə vəhdəti nışon dodə.

Əv bəyonış ka Ərbəini şemoni əzəmətiku dışmeni tars əvon bə təfrığə icod karde və ın mərosimi və adətiku suistifadə karde vodor kardə.

Əmmo ta bə ısət çəvon hiyləon bə heç vırəşon ro bardə ni.

Ostoro cımə İmom votışe:Bəpe Əba Əbdellah(ə)-i ğiam dışmeni təbliğati vədə bəji oğətə bıbo və İslomi omət ın əsri yəzidion vədə ki, bə mısılmonon mol və coni hucom bardə de İmom Huseyn(ə)-i ku ulqu peqəte ğiyam bıkən.

Ostoro şəhristan de 91 həzo nəfər cəmiyət Qlon ostani ğərbdəy və Azərbaycan Respublikə hamsuyəy.