Ostoro Tolışə şəhrədə şoqirdon elmiyə liqa bərpo be
Apr 19, 2019 14:07 Asia/Tehran
Ostoro məktəbon elmiyə liqa de 615 nəfər şoqerd 123 qrupədə de omə rujon əsoxtəkəson məlomati bəpe barde hədəfi bərpo be
Bə İrna jurnalisti raporti əsos Ostoro təlim və perusnie mudiri ın şəhristani məktəbonədə votışe:
In elmiyə liqa ımruj qrupi surətdə 75 dəğiğədə bə 60 suval mıxtəlif dərsonədə cəvubışon do.
Əv bəyonış ka elmiyə liqa 90 minə soriku de təlim və perusniyə mərkəzi vositə bərpo bedə və Ostoro bəpeə qrupon bə İroni təğvimi əsos bə liqa ostaniyə mərhələ daxil bəbenvə dəvardə sorədə 630 şoqird ın elmiyə liqadə iştırakışon kardə be.
