Ostoroədə təbdili sənaye mərkəz bə istismar rəsə

Ostoroədə İminə təbdili sənaye mərkəz bə istismar rəsə

Qiloniku bə tele rədiyo xəbəriyə mərkəzi raporti əsos Ostoro şəhristani ditəsərrufati mudir votışe:

Ditəsərrufati təbdili sənaye mərkəz qıləy zəminədə ki, 1000 metr çəy hevujəti ha sor de de 1 həzo 200 ton məhsoli səbəd ya bə ğab dənoe zərfiyət de xususiyə baxşi 30 milyard riyal sərmoyə noe soxtə be.

İrəc Şiyarkar bəyonış ka inki, noxod, məco və sayirə don, və hışkə miyvə Ostoro  İminə təbdili sənaye mərkəzdə bə ğab dənoe bəbe əlovəş ka ın mərkəzdə ki, anbo, analiz kardə vırə və məhsulon oqətə vırəş həm heste 15 nəfər mıstəğimə surətədə ko kardən.

Əv votışe: Ostoro təbdili sənaye mərkəzi inkişaf doeyro 30 milyard riyal kridit lozime.

Ostoro şəhristani ditəsərrufati mudir bəyonış ka inki, dəvardə sorədə 324 həzo ton ditəsərrufati məhsulon Ostoro sərhədiku bə Ar,R ixracat be votışe:

Ostoroədə İminə təbdili sənaye mərkəzi inkişaf doe ixracati rovnəği şərayeti icod bəkay.

Ostoro fərmondor ın mərkəzi bə istismar rosniye mərosimədə votəşe:

Di təsərrufati təbdili sənaye ruvnəğ de ın şəhristani sərhədiyə mevğeyəti diğət doe istehsoli və ixracati şərayeti icod bəkay.

Həsən Rustəmzadə əlovəş ka Ostoro şəhristan di təsərrufati məhsulon ixrac karde ğotbe və bo Ar.R , Rusiyə kişvəro vıjorədə mıştəri cəzb karde bəpe məhsulon ğəşənqə ğabonədə dənə bıbon.