Imsornə nimə sori 334 tonisə vey məhsul Qiloni qomrukonku sadir bıə
Bə Qiloni qomrukon nəzorət əkə votışe: Imsornə nimə sori 334 tonisə vey mıxtəlif ğeyri natə məhsul de 181 milyon dollar Qiloni qumrukiko ixracat bıə
Bə Mehr jurnalisti raporti əsos Əbulğasem Yusefinejad jurnaliston cəmədə işarəş ka bəinki ımsornə 6 manqədə 334 həzo ton məhsul de 181 milyon dollar Qiloni qumrukonku ixracat bıə votışe:
In mığdor dəvardə sori mığoyisədə sanqinəti və dollari nəzəku de tərtibi 20 və 12 faiz kam bəy.
Əv dəvomədə beməyon bənə havzi və miyvə, mozaik, sığ şişə plastik məhsulon və xorəki maddon mincumlə Qilon ostaniku ixracatiyə məhsulon unvanış ka və Votışe:
ın məhsulon veyni bə Rusiyə, Az.R Ğəzağestan, Qurcestan Əfğanestan, İrağ və co qılə kişvəron ixracat bıə.
Ostoro qumruk Imsornə nimə sori 108 qılə kişvəri miyono sanqinəti nəzəku 32 minə rutbədə ğərorış heste və dollari erji nəzəku ixracat bıə məhsulon 26 minə rutbədə ğərolış qətə.
Yusefinejad dəvomədə Ənzəli qumrukiku bə məhsulon ixracat işarəş ka və bəyonış ka ın qumruk həm sanqinəti nəzəku 6 minə rutbədə və kişvəri qumrukon miyono dollari nəzəku həm 48 minə vırədə ğərorış qətə.
