Ostoro fərmondori muavin: kişvəri əmniyyət çı milləti bəsirət iyən ruhaniyyəti hidoyəti qirovədəy

Ostoro fərmondori əmniyyəti, ictimai və siyasiyə muavin votışe: İslomiyə İroni əmniyyət və oroməti çı milləti bəsirət iyən ruhaniyyəti hidoyəti qirovədəy

Bə Mehr xəbəriyə mərkəzi raporti əsos Saman Sasaniyan vəhdət haftə şoə mərosimədə ki, de ruhaniyyət, alimon iyən sınni və şiyə bıvan iştiraki Ostoro sərhədiyə şəhristani Ləvəndəvil şəhrədə bərpo be votışe:

Kişvəri sınnion ruhaniyyəti iştirak və fəaliyət de İron İslam Respublikə nizomədə həmroəti kardeyo  İslomiyə İnğilobi 40 sorədə ve çok bəy və ın və ın həmroəti çəvon erj və vırəş bəpe bardəşe.

Əv bəyonış ka sınni və şiyə alimon dışmenon vədə kişvəri zumandətiədə muhimmə baxşəşon heste əlovəş ka dışmeni qıləy muhimmə hədəfonku alimon və milləti miyono fasilə eğandey.

Ostoro fərmondori muavin votışe: ictimayətdə ruhaniyyəti iyən alimon İslom dini nımoyəndən və de dışmenon təfrığə eğande mıborizə kardeyo iyən məzhəbon və ğəbiləon vəhdəti zumand və Peyğombər(s)-i ayini tərvic kardeyo mıhimmə rolışon heste.