Hamburqi məçiti dəbasteyədə Almaniya İsloməfobikə hərəkəton
Dəvardə sori noyabriku Hamburqi İslomiyə mərkəzi dəbastey 1 minə koon vində be
Dəvardə sori noyabriku Hamburqi İslomiyə mərkəzi dəbastey 1 minə koon vində be.
Əzəmonədə bə İslomiyə mərkəzi ələyh Almaniya devlət və medyaon şərayet soxte dəvomədə koalisiyə devləti təşkil doə partiyaon bə parlamenti qıləy plani doey, ın fiki və diniyə mərkəzi dəbastşon tələb karde.
Almaniya polis dəvardə sori noyabrə manqədə və de sənədi nıbe pesoxtə iddon təhğiğ bardey vavonə əsos bə Hamburq və federalə əyoləti 54 qılə co İslomiyə mərkəzi hucumış barde.
Əzəmonədə Almaniya kişvəri vəzorətxonə de qıləy bəyoniyə nəşr kardey elonış karde Hamburqi İslomiyə mərkəz və de bəy vobəstə bıə mərkəzon bo umumiyə nəzmi ələyh hərəkəton zənni9 ıştə 7 qılə federal əyolətdə 54 qılə mərkəzi barədə təhğiğ və nəveşon bino karde.
In bəyoniyədə de sənədi nıdoey bə Hamburqi İslomiyə mərkəzi fəoliyəton ələyh iddıoni elon be.
Çandə sore ki, Almaniyavıjon de mıxtəlif vavonəon bə Hamburqi İslomiyə mərkəzi dəbaste domon.
Ha çandə vağtdə Almaniya polisi ın İslomiyə fərhənqi yə mərkəz və çəy nəzortdə bıə mərkəzon moynə kardə.
Miladi 1950 minə sori Hamburqi fərhənqiyə mərkəz Almaniyadə de mısılmonon ədədi ziyod be de kali İronıjə mısılmonə taceron təşəbosi de dınyo şiyəon yolə mərcə Həzrəte Ayətullah Brocerdi mali və mənəviyə himoyəon bərodəğandə be.
Hamburqdə 59 qıləİslomiyə mərkəz vucudış heste və çəy muhimmə qılə İmom Əli(ə)-I əzəmətinə məçite.
In məçit Hamburqdə de ıştə kavuə qınbəz və nımo de kavuə qınbəzə məçiti nomi zıniyə bedə və ha sor həm bə ıştə tərəf xəyli turist cəzb kardə.
Məçiti bina dıyo sahilədə və Şunə Avus Zişt xiyabandə ğərorış qətə.
Harçənd İmom Əli(ə)-I məçit de came məçiti nomi de İronıjon dast bəro dəqniyəy əmmo ımruj de mıxtəlif kişvəron mısılmonon iştırok kardey şiyə və sınnion miyono qıləy bıvəti kardə fəzodə de qıləy ilham əbaxşə mərkəz nomi idorə bedə və çəy cımə nımoj milləton və məzhəbon miyono vəhdəti simvol.
Dəvardə dasoronəd ın mərkəzi mıxtəlif fəoliyəton ım ruj əy de radikalə hərəkətonku doəro kardə və de etıdulin bıə İslomi oşno be mərkəzi muhimmə qılan nomi elonış kardə və əvış de həmmə dinon sulhinə jimon de ağlmandəti və mənəviyəti masaji rosniye ğərorış doə.
Bə Hamburqi İslomiyə fərhənqi mərkəzi ələyh Almaniya kişvəri vəziri iddıon bə ın mədəniyə mərkəzi fəoliyəton əksdəy.
