Yəhya Sinvar HƏMAS-i nuyə lider
Yəhya Sinvar HƏMAS-i nuyə lider
Yəhya Sinvari bənə çe HƏMAS-i siyosi ofisi rəhbəri unvoni vıjniye,çın hərəkoti ısətnə canqi şərayitədə qıləy stratejikə əvəzon nışon doydə.bə Pars Tudey hisoboti əsos 2024-ə sori iyulə manqi 31-ədə çe HƏMAS-I siyosi ofisi rəhbər bıə İsmoyl Həniyyə Tehronədə terror kardey,çın hodisə bə Ğəzzədə bıə canqi prosesi iyən deəy əloğədor reqiyonalə mıborizə ki,çe mızokirə proses iyən çe HƏMAS-I daxili vəzyət iyən çəy de xarici aləmi bıə rabitəonədə bıə ehtımoliyə nəticəon barədə niqəronəti iyən bə kali sıvolon buruz pəydo kardey boyis bıəbe.əmmo Yəhya Sinvari Ğəzzədə bənə çe HƏMAS-i siyosi ofisi rəhbəri iyən İsmoyl Həniyyə canişini unvoni vıjniye,bın canqədə çın hərəkoti ayəndə iyən vəoməku bıə qıləy ruşinə strateqiyə nışon doydə.ın səçın ğasbu bo veyə şəxson təəccıbi boyis bıə.
Zira intizor şeydəbe ki,çın hərəkoti siyosi conohiku qıləy fərd ın məsuliyyəti bəştə ehdə peqəto.əmmo təbiyi surətədə bəpe zıney bıbu ki,ın vıjın sehyonist rejimi oxonə ziddiyyət ofəyə hərəkəton bədiqə çe İsmoyl Həniyyə terrori iyən çe nuyə roy nəticəy.çe Hərəkoti daxili dəlilon bənə çın səçıni həmməysə əsliyə amili unvoni nışon doydə Əssinvar ki,bənə 7 oktyabri əməliyyoti mıhəndisi unvoni zıneyd beydə,meydonədə həm çe mığoviməti rəhbərətiyədə həm qıləy təsirinə rolış heste.ın qıləy holədəy ki,çe canqi sıftəku çandə manq dəvardedə və sehyonist rejimi deştə qırd hərbi,modernə kəşfiyyoti iyən casusi ğıvvon bəştə hədəfon dast pəydoş kardeyış iyən əvış terror kardeyış zınəni.ın səçın çe Hərəkoti har dıqlə siyosi iyən hərbi cinohi bə Əssinvari bıə etımodi nəticəy ki,bənə qıləy zumandə şəxsi unvoni ğadire HƏMAS-I həm daxilədə və həmən kişfəri xaricədə və canqi zəmonədə idorə bıko
