Suriyə şimalədə Tırkiyə hərbion tələfot, Tırkiyə Əfrinədə otəş basti ləğvış kardə.

Suriyə Əfrini ətrofədə Tırkiyə hərbiyə əməliyaton nəticəku 8 nəfər çı Tırkiyə hərbionku kıştə bıən.

Bə İrib raporti əsos ım əməliyatdə ki Əfrini ətrofədə əncon be çandə Tırkiyə hərbion həm zəxmin bıən.

Çımiku bə nav Tırkiyə dıvlət Suriyə Əfrinədə ıştə hərbion tələfoti 40 nəfər elanış kardə be.

Im miğdor tələfat çı Suriyə ozod hərbiyə ğıvvon tələfotiku coe.

Tırkiyə dıvlət co tərəf ijən 33 ruj bə Əfrin huccum karde bəpeştə Suriyə şimalədə 2000 nəfər çı Kırdə nimə hərbion həlukətiku xəbəş do.

Əmmo xəbə omə ki Tırkiyə məvuji Suriyə zəmin Əfriniku xaric bey ğəsdış ni və i bıə milləton təşkilati tojə ğərol Suriyədə 30 ruj otəş basti ğəbul ni bəkay.

Bə Fars aqentiyəti raporti əsos dıvlət sıxənəvot Bəkr Bozdağ elanış karde: Əfrinədə zitoni xolə nomo bıə əməliyat hejo dəvomış bəbe ijən tojə təsdiğ bıə ğərolon çəmə əməliyatonədə hiç təsirış ni.

Bozdağ ijən votışe: Tırkiyə xarıci vəzarətxanə, kişvəri vəzar və Prokeroti vəzarətxanə cəhd kardən ta Suriyə demokratik i bemoni Kırdə qrupon navnə rəis Saleh Moslemi ki çexiyadə həbs bıə ım kişvəriku təhvil beqəto.

İ bıə milləton təşkilati əmniyyət şura tojədən 3 ruj iclosi bəpeştə təsdiğış kardə ki Suriyədə 30 ruj otəş bast bərğəror bıbu ta bə ğeyri hərbion komək bıbu ım otəş bast Suriyədə terroriston şomil ni bəbe.