Çəndə sa nəfər Suriyəvıjə jen və hırdən DAEŞ terroristiyə qurupi dastə əsirin.

İrağədə qıləy İzədi fəalə şəxs votışe: DAEŞ terroristiyə qurup Çəndə sa nəfər jen və hırdəni Suriyədə bıə zizəminonədə zındoni kardən.

Bə Fars aqentiyəti cımə ruji raporti əsos, İzədiyanku qıləy bəşər huğuği mudafiyə əkə fəal Husein Əli Əlxansuri İrağədə bə Sputnik aqentiyəti votışe: DAEŞ-i terroriston Suriyə Deyruzzur ostan iyən de İrağ mərziyə məntəğəonədə 2000 nəfəriku vey İzədi bepanohə jen və hırdəni zizəminiyə zindononədə həbs kardən.

Bə Husein Əli Əlxansuri votəyon əsos, DAEŞ-i terroriston Deyruzur ostani Susə, Həcin, Şəəefe və Bağz ijən İraği sərhədədə Dəşişə məntəğəonədə 2014-nə soriku dızdiyə bıə İzədion zindonədə oqətəşone.

Fəğət Dəşişə məntəğədə 300 nəfəriku vey İzədiyə kinə-zoə hırdən həbsin.

2014-nə sorədə bə İraği şimal Neynəva ostan DAEŞ-i hucumi Bəpeştə Səncar məntəğə 700 həzo nəfər jiyəkəson əcumlə İzədion ım cinoyətkorə qurupi ğətliami tarsiku bandonədə niyo bıən.

DAEŞ terroristiyə qurup Çəndə sa nəfər çı İzədi jen və hırdənon əsirış kardə.