İron və Pakiston bə 2 qılə kişvəri miyono mediyaiyə həmkarion ehtiyoci təkid kardeşone.

İslam Abadədə İron İslam Respublika səfir və Pakistoni rəsmi aqentiyəti direktor mədəniyəti və mediyaiyə həmkarion, bo Tehron və İslam Abadi əloğəon inkişof vey əsərinə amil hisob və bə mediyaiyə həmkari hevujəti lozim bey, təkid kardeşone.

Bə İrna zinə ruji raporti əsos Pakistonədə İron İslam Respublika səfir Mehdi Honərdost de Pakistoni rəsmi aqentiyəti direktor(APP) Məsud Məlik vindemonədə votışe: kali mətbuat və ğərbiyə mediyaon ğeyri həğiğiyə simo və obrazi çı islamiyə kişvəron əcumlə İron və Pakistoniku edaşteydən.

Honərdost təkidış karde: İron və Pakiston ki 2 qılə dınyo muhimmə islamiyə kişvəronin karde bəznın iyəndı xəbəiyə mənbəonku istifo karde sayədə ğərbiyə mediyaon hozı kardə bıə cərəyon vədə bımandon, iyən islam dınyo təhəvvolatonku mısbət və vağeiyət vəziyəti nışo bıdən.

Pakistoni rəsmi aqentiyəti direktor(APP) Məsud Məlik həm ım didorədə bə Pakistoni nəzəku İron İslam Respublika əhəmmiyət və vırə işorəş karde iyən 2qılə kişvəri  miyono bə mediyaiyə həmkarion zumand bey zərrorət təkidış kardə.

Pakistoni rəsmi aqentiyəti direktor ijən votışe: Tehron və İslam Abad de vağeyyətonku dırıstə dərki karde bəznen mıtəğabılə hadisəon çox pevlo və muntəşir bıkən və mıştərək zərfiyətonku çox istifodəkən.