Fələstin zumandə muğaviməti vədə sionist rejim otəş basti ğəbulış karde.

Fələstiniku xəbə ome ki sionist rejim de fişaron ziyod bey vasitə iyən muğavimət cərəyoni zumandə reaksiya bə otəş basti ğəbul karde məcbur be.

Bə İrna raporti əsos Fələstin Əlyəon sayti nəğliku de İ Bıə Milləton Təşkilat iyən Misri vositə çiti Ğahirədə sionist rejim və muğavimət qrupon miyono otəş bast ımrujnə sıbiku bino be.

Əmmo çand saət bəpeştə Fələstiniku xəbə ome ki muğavimət qrupon ım otəş basti ğəbol kardero cəhd kardən ta de zumandə şərton İsrail rejimi məcbor bıkən ta bənə jıqonə həmləon ijən bino nıkə.

Sionist rejimi ım məğlobiyət və otəş basti ğəbol karde zəmoni əncom be ki Fələstin muğavimətiyə qrupon çı sionist rejimi cinoyət təcavuzi cəvobədə Ğəzzəku 600 qılə nezi rəketi bə sionist ənıştə məntəğəon ğandeşon ki detosə bə ısət 5 nəfər sioniston kıştə və 100 nəfəri vey zəxmin bey bois bıə.

Co tərəf və bə Fələstini səhiyyə vəzarətxonə raporti əsos dəvardə 2 ruji mıddətədə iyən sionist rejimi təcavuzi nəticəku 25 nəfər çı Fələstini şəhrvandon şəhid iyən 170 nəfər həm zəxmin bıən.

Şəhid bıə kəsonədə jenon və hırdənon həm moşahid bıdə ki ım rejimi bə məskuniyə vırəon həmlə karde nəticəku be.