Mosuli ozod karde 2-minə mərhələ bino be.

İraği bə terrorizimi əleyh mubarizə əkə təşkilat, İraqi Mosul (İraqi şimalədə) şəhri şərğiyə məntəğon ozod kardeyro, hərbi əməliyaton 2-minə mərhələ bino bey barədə xəbəş do.

Bə Əl-Aləm kanali raporti əsos, İraği bə terrorizimi əleyh mubarizə əkə təşkilati ğıvvon Dekabri 29-nə ruji sıbi faxtiku, Muselədə bıə Furati ru sahili ozod karde 2-minə mərhələ hərbiyə əməliyati binoşon karde.

Həmzəman İraği rəsmiyon, Neynəva ostanədə bəzi uzud bıə məntəğon əmniyyəti təmin karde, bə məhəliyə polis ğıvvon doəşone ta bə Mosuli ozod karde əməliyati co mərhəlon dəvom bıdən, ım ğərol bə çəy xoto icra bedə ta əməliyati sorət ziyod bebu.

Co xəbə həm ıme ki, Mosuli şərğədə bıə Əl-Ğuds məntəğədə İraği bə terorrizimi əleyh mubarizə əkə təşkilati ğıvvon mıvəffəğ bən çı DAIŞ-i qıləy muhimmə mərkəzi ozod bıkən. Həminə əməliyotədə çanədə terrorçi həlok və zəxmin bən.

Çı Neynəva ostani hərbi əməliyati fərmondə həm elanış kardə ki, bə DAIŞ-i zidd hucum və canq karde həmçınan dəvom pəydo bəkay.

Xəbə omə ki çı İraği dovtələb hərbiyon(Həşduş-Şəbi) həm bə Suriyə marzi nezi çı DAEŞ-i tojə hucumi vədə mandən və terroriston məğlub kardəşone.