Suriyə, dınyoədə Amerkə anti insoniyət və anti bəşər həxon cinoyəton tənğidış karde.
Suriyə xarıci vəzarətxonə dınyoədə Amerkə cinoyəton tənğidış karde və ım cinoyəton barədə beynəl xalğ təhğiğ-təğibon tələbış karde.
Suriyə xarıci vəzarətxonə bəşər həxon beynəl xalğ ruji xoto de bəyaniyə vasitə bə Suriyədə de Amerkə rəhbərəti pesoxtə bıə koalisiya cinoyəton işorə və byonış karde ki ım koalisiya detosə bə ısət Suriyə vey məntəğəon əcumlə Deyrolzur və Reğğədə çand həzo hərbionış ğətliamış kardə.
Suriyə xarıci vəzarətxonə ım bəyaniyədə bə Suriyə canqədə və bə jenon iyən hırdənon əleyh Amerkə koalisiya tərəfo ğədəğən bıə bombaonku istifodə karde işorə bıə və ğeyd be ki jıqonə cinoyəton bəşər həxon və beynəl xalğ ğanuni poymoləkəy.
Suriyə xarıci vəzarətxonə dınyo kişvəronış dəvət karde ki de həm fiki və həmkari bə Amerkə icozə mədən ki bəşər həxonku bo milləton otosniyə iyən diktatoriyə hədəfonro bənə əbzar istifodə bekoy.
Amerkə de çand qılə mıttəfiğ kişvəron və de İŞİD mubarizə barədə bəhonə 5 sor çımiku bənav ğeyri ğanuni bə Suriyə varid bıə və məsələn anti terrorist əməliyaton əncom doe hələdəy.
