Sionist rejimi hərbi təyyarəon bə Suriyə Dəməşğ şəhri qıləy aeroporti hucumışon kardə.
-
Sionizm rejim deştə hərbi təyyarəon, bə Suriyə paytəxt, Dəməşğ şəhrədə bıə Əlməze aeroporti hucumış kardə.
Sionizm rejim deştə hərbi təyyarəon, bə Suriyə paytəxt, Dəməşğ şəhrədə bıə Əlməze aeroporti hucumış kardə.
Bə Əlaləm kanali raporti əsos, bə Suriyə paytəxt, Dəməşğ şəhri Əlməze nomo aeroporti, çı sionist rejimi hərbi təyyarəon hucum karde bəpeştə, çandədə yolə tıpemoni sədo cın şəhri ətrofədə məsə be ijən otəşi həmuşəkə və imdodiyə maşinon bə məntəğə vığandə bən.
Suriyədə bohrani bino bey bəpeştə, sionizm rejim çand kərə ijən bə çəy xoto ki bə terroriston komək bıkə, bə Suriyə hərbi bazaon hucumış kardə be.
Suriyə prezident, Bəşar Əsəd çimiku bənav elanış kardə ki, sionist rejimi aviyasiya ğıvvon bənə terroriston hərbi ğıvvonin ki har zəmon lazim bıbu bə terroriston komək kardən.
Xəbə omə ki, ım təcovuzi bə peştə çı Suriyə həmməy hərbi ğıvvon fərmondə qıləy pəyğomi vasitə bə sionist rejimi rəsmiyon xəbə dorəti dodə ki, ıştə jıqonə hucumi nəticəonku oqoh bıbun.
Bəyaniyədə omə ki, jıqonə hərəkəton karde nibəzne çı Suriyə millət və hərbiyon iradəon vədə mane bıbu.
Ğeyd bıkəmon ki, detosə bə ısət, sionizm rejimi hərbi təyyarəon 2kərə bə Dəməşği Əlməze nomo hərbi aeroporti hucumış kardə.
