İroni Yolə Rəhbəri məhzərədə İmom Huseyn(ə)-i əzodorəti 2 minnə şəvi mərosimon.
İroni Yolə Rəhbəri məhzərədə İmom Huseyn(ə)-i əzodorəti 2 minnə şəvi mərosimon İmom Xomeyni nomo bıə Huseyniyədə bərpo be.
Bə İroni Yolə Rəhbəri məlumatərosnə mərkəzi raporti əsos, həminə mərosimədə huccətul-islam vəl muslemin Seddiği ıştə sohbətonədə dini hukuməti qıləy məsuliyətonış zalimonku məzlumon həxi qəte iyən de nohəxion mubarizə barde bə hisobış varde iyən təkidış karde ki Xıdo bo həminə məsuliyəti əncom doero dini alimonku əhd-peymon qətəşe əlovəş karde: sekularizm iyən inson-Xıdo miyono bıə əloğəon bə qıləy şəxsi rabitə məhdud karde ın İlahi peymoni vədəy iyən bə ın iştimaii muhimmə məsuliyəti əməl kardeye.
Həminə mərosimədə hoci Səid Həddadiyan həm zikre mısibətış karde və rovzə handışe.
Imsor həm bə Koronavirusi pandemik şərayeti xoto və de səhiyəvi porotokolon diğğət karde bərobər jəğo ki İroni Yolə rəhbər iyən Koronavirusi operativ ğərorqoh təkidış kardə de i nəfər natiğ və i nəfər məddoh iştiroki bərpo bıdə.
In mərosim tosə məhərrəmə manqi 12-ə şəvi dəvoniye bıdə.
Şiəyon 3-minnə imom Həzrəte Heuseyn(ə)-i və çəy bəfodorə əshab Ğəməri 61-nə sori məhərrəmə manqi 10 Kərbəloədə şəhid bıə.
