İraği kırdon məhəlliyə parlamenti tırkəmənon nımoyəndə votışe: İraği i minnə vəzir Heydər Əlebadi mıvofiğətış kardə ki tırkəmənon cəhbə ğıvvon həm İraği şimalədə bıə Təlle Əfər mətəğə ozod karde əməliyatədə huzurışon bıbu.

Bə Soot Əlirağ aqentiyəti raporti əsos, İraği tırkəmənon cəhbə nımoyəndə Aidin Məərof çın əməliyatədə tırkəmənon cəhbəku ğıvvon huzuri məntəğədə siyasi cəbhə zumandəti və kişvərədə çokə vəziyəti icod əkə zınəş be və Musoli bə məzhəb və nijadi əsos təğsim karde qıləy səhvə hərəkət hisob və ıştə mıxolifəti elanış kardə.

Co tərəf İraği məclisədə kırdon islamiyə cəmaəti nımoyəndə Səlim Həmzə həm İraği məclisədə votışe: Bəğdad və Ərbil çı Pişmərqə ğıvvon huzuri barədə ozod bıə məntəğəondə təvafuğ kardəşon.

Həmzə bə ım nuktə işorəş kardə ki Pişmərqə ğıvvon çın kişvəri hərbionnin və əlovəş kardə: bə mıştərikə kamissiya ğəroli əsos DAEŞi məğlubiyəti bəpeştə ozod bıə məntəğəon idorə karde  bə Pişmərqə ohdə noə bəbe.

Əv həmçınin təkidış kardə ki İraği Kırdıston məntəğə muxtariəti elan karde ısətnə vəziyətdə imkonış ni.

Çımiku bənav İraği kırdon məntəğə məhəliyə idorə rəis Niçrəvan Barizani elanış kardə be: bo ciddiyə muzakirəonro ım məntəğə de İraği dıvlət sıxan karde xoto kamilən hozzo mandə ta ixtilofon həl bıkə.