De Ğətəri krali rəsmi dəvəti bərobər İroni prezident 2 şanbə bə Duha səfər bəkarde.

İroni prezident Fevrali 21 bə Ğətər səfər bəkay.

Bə İrna raporti əsos, İroni prezident Seyd İbrohim Rəisi və çəy heyəti pişvoz mərosim çı Ğətəri kişvəri keral Təmim Bin Həməd Ali Sani tərəfo çın kişvəri pdşo sarayədə bərpo bəbe və jığo elan bıə ki 2 tərəfi muzakiron həm rə 2 qılə kişvəri yolon və heyəton miyono rə bino bıdə.

2 tərəfi, reqional və beynəl-xalğ məsələon barədə votımon həmçenin çandə muğaviləon imzo karde həminə səfəri bərnamonku elan bıə.

Prezident rəisi çı İronıjon cəmədə qəp bəjəne və de İron-Ğətəri ticori və iğtisodi fəalon həm sıhbət və vindımonı bəbe.

İroni prezident ijən çı dıyo qaz sadirəkə kişvəron yolon tojə iclosədə həm sıhbət bəkarde ki çəy kənoədə çandə 2 tərəfi muzakirə iyən vindemonon həm nəzərdəğətə bəy.