Bə Suriyə məntəğəon sionist rejimi vəhşiyə rəket həmlə İroni tətəfo məhlkum bıə.

İroni xarıci vəzarətxonə sıxənəvot cımə şəvədə bıə bə Suriyə məntəğəon sionist rejimi vəhşiyə rəket həmləon de şiddəti məhkumış kardə.

Bə Dəməşği ətrof çı Colan səmtiku, sionist rejimi tərəfo cımə sıbi həvo əməliyoton dumoədə, bə çand qılə məntəğə həmlə bıə ki çəy nəticədə Suriyə ərtışi hərbionku 3 nəfər kıştə iyən 7 nəfər zəxmin bıən.

Həminə cəhətədə və bə İrna raporti əsos, İroni xarıci vəzarətxonə sıxənəvot, Nasır Kənani Çafi bə ım həmlədə ğıbon bıə ailəon təsliyət votışe iyən de Suriyə millət və dıvləti ıştə hamdardi elanış karde iyən əlovəş do: bə Suriyə sionist rejimi daimə həmləon, ım kişvəri ərazi təmamiyyət və hakımiyyət iyən beynəlxalğə oşkorə prinsipon rioyət nıkardey mənodəy.

Kənani Çafi sionist rejimi be ğanunə rəftoron vədə, bəşər həxon iddioəkəyon və beynəlxalğə rəsmi şəxson təşkilaton iyən onemonon təəcubinə sukutiku ıştə təssufi elan iyən təsdiğış karde: beynəl xalğə ictimaiyət xususi İ Bıə Milləton Təşkilati Əmniyyəti Şura lozime ki sionist rejimi təhdidinə rəftoron və daimə cinoyəton vədə ıştə məsuliyəti əncom bıdən.

İroni xarıci siyasəton təşkilati sıxənəvot ıştə sıxənon oxoədə təkidış karde: bə Suriyə ələyh sionist rejimi çand kərə həmlə, əlovə bə ərazi təmamiyət iyən hakımiyəti rioyət nıkardey, Suriyə sərzəminədə bə silohinə terroriston komək və çəvon zumandəti iyən oqəteyro cəhd kardeye ki nəhayətədə həmmə məntəğə əmniyyəti təhdidəkəy.