Yəmənı soxtə bə rəketon bə zəmin eğandeyu Amerkə rəket sistemon bə kar omedə nin.
Yəmənı hərbiyə ğıvvə çı məmləkəti soxtə bə rəketon vəy qəteyu Amerkə tərəfiku de tojə texnoloqiya rəket sistemon bə kar nomeku xəbəş do.
Bə Press TV elanon əsosi yəmənı hərbiyə ğıvvə zinə qıləy bəyonotədə elanış karde yəmənı balestik rəketon kiyfiyəti rost karde iyən bə hədəf qıneyu çəy diğğəti inkişaf doe bois bə patriyot nomo bıə rəket system ki dəvardə sori Amerkə tərəfiku Səudiyyə Ərəbıstonı extiyorədə noə be nızno çəy və qəte.
yəmənı hərbiyə ğıvvə çı məmləkəti soxtə bə rəketon keyfiyəti inkişaf does ki canqi meydonədə muhimmə rolış heste çı məmləkəti hərbiyə ğıvvə baxşədə muhimmə nəticəş zınə və eyne holədə işarə be yəmənıjə ğıvvon qıləy kotoə devranədə və qıləy saxtə şərayetəndə daxiliyə imkanon koməkədə bə deşmeni zid yolə muvəfəğiyyətış bə dast vardə.
yəmənıjə ğıvvon fevrali 16 minnə ruji bə qıləy matəmə mərasim Səudiyyə Ərəbıstonı hərbiyə təyyarəon hucumi cəvobədə Səudiyyə Ərəbıstonı cənub Əsir məntəğədə bə qıləy aeroport hucum kardən.
