De Xıdo Rəsul(s)-i rehlət iyən İmom Həsən(ə)-i şəhodəti sorqarədeşi mınosibəti təsliyət.
Bə Xıdo Rəsul(s)-i rehlət iyən İmom Həsən(ə)-i şəhodəti sorəqardeşi xoto İron islam Respublika həmmə vırəon pure de ğəm və matəmi holo-həvo.
Imruj(işəmbə) Hicri Ğəməri 1444-minnə sori Səfə manqi 28, 2022-minnə sori SEntiyabrə manqi 25, de İslam əziz qiramiyə peyğəmbər(s)-i rehlət və dınyo şiəyon 2 minə İmom, Kərime Əhli Beyt, Həzrəte İmom Həsəne Moctəba(ə)-i şəhodəti sorqardışi bərobəre.
İslamiyə qirami peyğəmbər(s) de tosə Hicri Ğəməri 11 minnə sorədə bıə ıştə rehləti bənav, de mıhəbbət iyən xoşə metodi, əhkom və nəbəvi şəriəti ğanunon, de mətin və zumandə şivə bə cəmaət təğdim və bəyonış karde iyən bə dini həxə maarifi nəşr və pevlo kardey xoto insonon hidoyəti sahədə vey cəhdış karde.
Dınyo şiəyon 2 minə İmom, Həzrəte İmom Həsəne Moctəba(ə) həm ki təğribən 30 sor ıştə yolə pıə, dınyo şiəyon 1 minə İmom Həzrəte İmom Əli İbne Əbi Taleb(ə)-i tono yol bıə be, Hicri Ğəməri 50-minnə sori səfə manqi 28, 47 sorəti sinədə Muaviyə xəbisə plani vositə dıştə həyot həmro dasti zəhrin iyən şəhid be.
İslamiyə İroni millət Həzrəte Muhəmməd(s) rehləti və Həzrəte İmom Həsəne Moctəba(ə) şəhodəti sorqardışi rujədə de Huseyniyəon, məçiton, Məşhədədə bıə dınyo şiəyon 8 minə İmom Həzrəte İmom Reza(ə)-i pokə hərəm və Ğomi mığəddəsə şəhrədə bıə Həzrəte Məsomə(s) pokə hərəmədə de səhiyyəvi porotokolon iyən prinsipon rioyəti matəmə mərosimonədə iştirok və əzodorəti kardedən.
İroni Rəşt şəhri Rədio tərəfo ım mınosibəton bəşımə sə bıə soloməti ərz kardedəmom.
