Suriyə, İrağ və İroni miyono əmtəə iyən mısofiri nəğliyotiro 3 tərəfiyə reyls xətton icod bey

İron və Suriyə roy vəziron vindemonədə, bə Suriyə, İrağ və İroni miyono əmtəə iyən mısofiri nəğliyoti 3 tərəfiyə reyls xətton icod bey təkid bıə.

İroni şəhr soxtey iyən roy vəzir, Rostəm Ğasımi, və Suriyə nəğliyot vəzir Zəhir Xəzim de yande vindemon və Suriyə, İrağ və İroni miyono əmtəə iyən mısofir vırə bə vırə kardey cəhəto, 3 tərəfiyə reyls xətton icod beyro de yande votımonışon kardə.

In rabitə xət, Şələmçə reyls xətton royku bə Bəsrə səmt, və həmonə vırəku bə Suriyə səmt hərəkət bəkarde.

Im vindemonədə vəomeyro dıyo, zəmin iyən həvo roy nəğliyot baxşədə, kişvəron miyono 3 tərəfiyə həmkoətion barədə sıhbət bıə.

Həmçınin bəzi təvafuğnoməon iyən muğaviləon ğaydəsə ğandey barədə votımon bıə.

Bə İrna raporti əsos, Rostəm Ğasımi iyən Suriyə nəğliyot vəzir, 2 qılə kişvəri porton miyono dıyo nəğliyot xətton əktiv kardey və mıştərəkə ticari şirkəton icod bey barədə de yande votımon kardeşone.

Im vindemonədə həmçınin avyasiya iyən əncom doə xidməton barədə xususi mısofiron və turiston nəğliyotədə, həmkoətion əlovə beyro, votımonon əncom bıə.