İraği Kırdıstoni iğlim hukuməti nımoyəndə: ın kərə terroristiyə qədə qrupon barədə ciddiyə ğəroli bəqətemon.

İronədə bıə İraği Kırdıston iğlim hukuməti nımoyəndə təkidış karde: ın kərə terroristiyə qədə qrupon barədə ciddiyə ğəror bəqətemon iyən de əvon ciddi rəftor bəkamon.

Dəvardə rujonədə, Kişvəri ğərbi marzonədə anti inğilobi qrupon terroristiyə hərəkəton dumoədə, İraği Kırdıstoni iğlim sərzəminədə, ım qədə qrupon sakin bıə vırəon de İslamiyə İnğilobi Sepah Təşkilati artiliya iiyən dıron həmləon vositə, həmlə bıə.

Kali mənbəon işorəşon kardə: təyin bıə hədəfon bombardımoni bəpeşt, həmləon dəvom bə İraği şimolədə bıə iğlimi rəsmi şəxson vəomey rəftori vabəstəy, iyən ım mənbəon nota doşone: əqə iğlimi rəsmi şəxson tərəfo ağılmandə ğərol əncom nıbu, və terroristiyə qədə qrupon anti İroni şərrə koon vəy nıqəton, bə çəvon ələyh əməliyaton tojədən əncom bəbe.

Zinə İronədə bıə İraği Kırdıstoni iğlimi hukuməti nımoyəndə, Nazım Dəbagh de İrana votımonədə işorəş karde: de islamiyə inğilobi Sepah Təşkilati vositə, təyin bıə hədəfon əncom doey bəpeşt, ım həmləon be hərəkət mande əmmo ım həmləon dəvom bə İraği şimolədə bıə iğlimi rəsmi şəxson vəomey rəftori vabəstəy, Əv ijən ım qədə qrupon hərəkəton vəy qətey barədə votışe: əqə ım silohinə fəaliyəton dəvom peydo ko, ım kərə bəy ciddiyə reaksiya nışo bədamon.

İronədə bıə İraği Kırdıstoni iğlim hukuməti nımoyəndə, əlovəş karde: ıştənivəzifədor zıneydəmon ki icozə nibədomon hiç qrupi çı İron ya Kırdıstoni iğlimi şahrvandon niqəroni bois bıbu.